اقتوبە شەكارا وتريادىنىڭ «جايساڭ-اۆتو» وتكىزۋ بولىمشەسىندە رەسەيدەن قازاقستانعا قاراي «داۆ» اۆتوكولىگىنىڭ تىركەمەسىندە جالپى سالماعى 20 توننا كەسىلگەن تاقتايلار الىپ كەلە جاتقان 51 جاستاعى قىرعىز رەسپۋبليكاسىنىڭ ازاماتى ۇستالدى. بۇل تۋرالى قر ۇقك شق ءباسپاسوز قىزمەتى حابارلادى.
«شەكاراشىلار تاقتايلار استىنا جاسىرىلعان 57 قاپ گرەك جاڭعاقتارىن تاۋىپ الدى. رۇقسات قۇجاتتارى تەك تاقتايلارعا عانا راسىمدەلگەن. جاڭعاق تولتىرىلعان قاپتار اكتىلەنىپ مارتوك اۋداندىق وسىمدىكتەر كارانتينى مەن فيتوسانيتارلىق باقىلاۋ بويىنشا بولىمگە تاپسىرىلدى» دەلىنگەن حابارلامادا.
بەلگىلى بولعانداي, ءدال وسى وتكىزۋ بەكەتىندە 35 جاستاعى قازاقستاندىق رەسەيگە قاراي «گازەل» اۆتوكولىگىمەن رۇقسات قۇجاتتارىنسىز جالپى سالماعى 2 400 كگ تارتاتىن تەمىرجول دوڭگەلەكتەرىنىڭ جۇبىن الىپ وتپەك بولىپتى. جۇك اقتوبە وبلىسى بويىنشا مەملەكەتتىك كىرىس دەپارتامەنتىنە تاپسىرىلدى.