قاسىم-جومارت توقاەۆ پارلامەنت پالاتالارىنىڭ بىرلەسكەن وتىرىسىندا ەلباسى نۇرسۇلتان نازارباەۆقا «حالىق قاھارمانى» اتاعى مەن «التىن جۇلدىز» بەلگىسىن بەردى.
قازاقستان پرەزيدەنتى قىزمەتىنە كىرىسكەن قاسىم-جومارت توقاەۆ ءوز سوزىندە العاشقى شەشىمى رەتىندە ەلباسى ن.نازارباەۆقا «حالىق قاھارمانى» اتاعىن, «التىن جۇلدىز» بەلگىسىن تابىستايتىنىن مالىمدەدى.
«اسا قادىرلى ەلباسى, جينالعان قاۋىم! مەنىڭ قر پرەزيدەنتى قىزمەتىمدەگى ءبىرىنشى شەشىمىم «قر تۇڭعىش پرەزيدەنتى - ەلباسى تۋرالى» كونستيتۋتسيالىق زاڭعا جانە «مەملەكەتتىك ناگرادالار» تۋرالى زاڭعا سايكەس, تاۋەلسىز قازاقستاندى ورناتۋداعى تاريحي ۇلەسى, ەكونوميكالىق جانە الەۋمەتتىك جانە گۋمانيتارلىق دامىتۋداعى, قازاقستاندىق قوعامدى توپتاستىرۋداعى اسا ۇزدىك ەڭبەگى ءۇشىن قر تۇڭعىش پرەزيدەنتى - ەلباسى نۇرسۇلتان نازارباەۆقا ايرىقشا ەرەكشەلىك بەلگىسى «التىن جۇلدىز» وردەنىن تاپسىرا وتىرىپ, «حالىق قاھارمانى» اتاعىن بەرەمىن», دەدى ق.توقاەۆ.