قازاقستاندىق كاسىپقوي بوكسشى جانىبەك ءالىمحان ۇلى 12 ساۋىردە اقش-تىڭ لوس-اندجەلەس قالاسىندا ءوزىنىڭ كەزەكتى جەكپە-جەگىن وتكىزەتىنى جايىندا ءبىز بۇعان دەيىن دە حابارلاعانبىز.
ءدال قازىر امەريكادان قۋانىشتى حابار جەتتى. قانداسىمىز لوس-اندجەلەستەگى بوكس كەشىندە ەكى بىردەي بەلبەۋ ءۇشىن تالاسادى. ولار – WBO Global جانە WBC Continental Americas. مەكسيكالىق كريستيان ولليۆاسقا قارسى باسەكەدە ءبىز جانىبەككە ساتتىلىك تىلەيمىز.
قازىرگى كەزدە اقش-تىڭ سان-ديەگو قالاسىندا تۇرىپ جاتقان 27 جاستاعى مەكسيكالىق بوكسشى كاسىپقوي رينگتە ءبىراز تاجىريبەسى جيىپ ۇلگەردى. ول 20 كەزدەسۋ وتكىزىپ, 16 رەت جەڭىسكە جەتتى. 13 قارسىلاسىن ەسىنەن تاندىردى. ءوزى بىردە-ءبىر رەت مەرزىمىنەن بۇرىن ۇتىلعان ەمەس.
اۋەسقوي رينگتە جاسىنداي جارقىرىپ, الەم جانە ازيا چەمپيونى, ازيا ويىندارىنىڭ جەڭىمپازى اتانعان 25 جاستاعى جانىبەك ءالىمحان ۇلى كاسىپقويلار اراسىندا دا ءبىراز بەدەل جيدى. كۇنى بۇگىنگە دەيىن قازاق جىگىتى بەس مارتە شارشى الاڭعا كوتەرىلىپ, بارلىق كەزدەسۋىندە جەڭىسكە جەتتى.
عالىم سۇلەيمەن,
«Egemen Qazaqstan»