ۇكىمەت وتىرىسىندا ەڭبەك جانە حالىقتى الەۋمەتتىك قولداۋ ءمينيسترى ب.ساپارباەۆ ەكىنشى مىندەت رەتىندە جۇمىسكەرلەردى قاۋىپسىز ەڭبەك جاعدايلارىمەن قامتاماسىز ەتۋدى اتاپ ايتتى.
ءمينيستردىڭ حابارلاماسىنا سايكەس, 2018 جىلى رەسپۋبليكا كاسىپورىندارىندا 1 568 ادام زارداپ شەكتى, ول وتكەن جىلعى ۇقساس كەزەڭمەن سالىستىرعاندا 6,6%-عا تومەن.
«ولىممەن اياقتالعان زارداپ شەككەندەردىڭ سانى 220 ادامدى قۇرايدى, ول وتكەن جىلعى ۇقساس كەزەڭمەن سالىستىرعاندا 9,2% تومەن (2017ج. – 244 ادام). مەملەكەتتىك ەڭبەك ينسپەكتورلارىنىڭ تالاپتارى بويىنشا جۇمىس بەرۋشىلەر 100 لاۋازىمدى ادامدى جۇمىستان بوساتتى, 16 ءوندىرىس وبەكتىلەرىنىڭ جۇمىسىنا تىيىم سالىندى.
قۇقىق قورعاۋ ورگاندارىنا 1400 ماتەريال جىبەرىلدى, ولار بويىنشا 98 قىلمىستىق ءىس قوزعالدى. سونىمەن بىرگە 2017 جىلمەن سالىستىرعاندا وندىرىستىك جاراقاتتانۋدىڭ ءوسىمى قاراعاندى 192 ادامنان 224 ادامعا دەيىن) جانە سولتۇستىك قازاقستاندا (56 ادامنان 82 ادامعا دەيىن) وبلىسىندا بولدى», دەدى مينيستر.
ب. ساپارباەۆتىڭ مالىمەتىنشە, ولىممەن اياقتالۋ جاعدايلارىنىڭ ءوسىمى اقمولا (11 ادامنان 17 ادامعا دەيىن), الماتى ( 8-دەن 13 ادامعا دەيىن) جانە تۇركىستان (19-دان 24 ادامعا دەيىن) وبلىستارىندا بولدى.
وسى ورايدا قاۋىپسىز ەڭبەك جاعدايىن قۇرۋ بويىنشا شارالاردى كۇشەيتۋ ماقساتىندا اكىمدىكتەرگە مىناداي تاپسىرمالار بەردى.
1) وندىرىستىك جاراقاتتانۋدى جانە زياندى جانە قاۋىپتى ەڭبەك جاعدايلارى بار جۇمىس ورىندارىن ازايتۋ بويىنشا وڭىرلىك جول كارتاسىن قابىلداۋ;
2) وڭىرلەردە ارقايسىسىنا قاتىستى جاراقاتتانۋدى بولدىرماۋ جونىندەگى ءىس-شارالار جوسپارىن ازىرلەۋمەن, وندىرىستىك جاراقاتتانۋدىڭ وسىمىنە جول بەرگەن جاراقاتتانۋ قاۋپى بار كاسىپورىنداردى بەلگىلەۋ;
3) مينيسترلىكتىڭ جاساعان باستاماشىلىعى شەڭبەرىندە الەۋمەتتىك ارىپتەستەرمەن بىرلەسىپ 2019 جىلى «قاۋىپسىز ەڭبەك» ۇرانىمەن اقپاراتتىق كومپانيانىڭ بۇقارالىق اقپارات قۇرالدارىن تارتا وتىرىپ, جۇمىس بەرۋشىلەرمەن, قاۋىپسىز ەڭبەك جاعدايلارىن قامتاماسىز ەتۋ بويىنشا كاسىپوداقتارمەن اۋقىمدى ءتۇسىندىرۋ جۇمىستارىن جۇرگىزۋ قاجەت.