قازاق كۇرەسىنەن بيىلعى جىلعى ەۋروپا چەمپيوناتى پولشانىڭ ۆروتسلاۆ قالاسىندا وتەدى. بۇل جارىستىڭ شىمىلدىعى 8 ماۋسىمدا تۇرىلەدى.
ءتول ونەرىمىز بويىنشا قارت قۇرلىقتىڭ تۇڭعىش بىرىنشىلىگىنىڭ تۇساۋى بىلتىر گرۋزيانىڭ باتۋمي قالاسىندا كەسىلگەن بولاتىن. سول جارىستا 21 مەملەكەتتەن كەلگەن 80 بالۋان جارىس كورىگىن قىزدىردى. جۇلدەلەر توعىز سالماق دارەجەلەرى بويىنشا ساراپقا سالىندى. وسى باسەكەلەردى باسىنان اياعىنا دەيىن تاماشالاعان وسى سالاداعى لاۋازىمدى تۇلعالار, قۇرمەتتى مەيماندار, باپكەرلەر مەن سپورتشىلار جانە قاتارداعى قاراپايىم كورەرمەندەر قاپ تاۋى باۋرايىندا وتكەن ءدۇبىرلى دودانىڭ ۇيىمداستىرىلۋ دەڭگەيىنە جوعارى باعا بەرگەن ەدى.
بيىلعى جارىستىڭ دا كەرەمەت وتەتىنىنە ەشكىمنىڭ كۇمانى جوق. حالىقارالىق قازاق كۇرەسى فەدەراتسياسى باس ديرەكتورىنىڭ كەڭەسشىسى ۇلان رىسقۇلدىڭ ايتۋىنشا, بۇگىنگى تاڭدا ۇلتتىق ونەرىمىزدى وركەندەتىپ, كۇللى الەمدە كەڭىنەن ناسيحاتتاۋ باعىتىندا كوپتەگەن يگى شارالار جۇزەگە اسىرىلۋدا.
عالىم سۇلەيمەن,
«Egemen Qazaqstan»