بۇگىن اقش-تىڭ مايامي قالاسىندا تەننيستەن جۇلدە قورى 9 314 875 اقش دوللارىن قۇراعان ماستەرس ءتۋرنيرى باستالادى. قازاقستاننىڭ قوس تەننيسشىسى ايتۋلى دودادا كۇش سىناسۋ قۇرمەتىنە يە بولدى. ولار – ميحايل كۋكۋشكين مەن يۋليا پۋتينتسەۆا.
اتر تىزىمىندە 43 ورىندا تۇرعان ميحايل كۋكۋشكين العاشقى اينالىمدا ارگەنتينالىق گيدو اندرەوتستسيمەن كەزدەسەدى. 27 جاستاعى وڭتۇستىك امەريكانىڭ وعلانى الەمدىك رەيتينگتە 80 ورىندا يەلەنۋدە.
ۇزدىكتەر تىزىمىندە 44 ساتىعا جايعاسقان يۋليا پۋتينتسەۆا كريستەن فليپكەنسپەن شەبەرلىك بايقاسادى. 33 جاستاعى بەلگيالىق ويىنشى WTA رەيتينگىندە 56 ورىندى ەنشىلەۋدە.
ماياميدەگى ءتۋرنيردىڭ ىرىكتەۋ سىنىنا قاتىسقان زارينا دياس العاشقى اينالىمنان اسا المادى. ال الەكساندر بۋبليك باستاپقى كەزەڭدەگى قارسىلاسىن قاپى قالدىرىپ, بۇگىن وتەتىن ەكىنشى ويىندا ۇلىبريتانيالىق دەنيەل ەۆانسپەن سايىسقا تۇسەدى.
دايىنداعان عالىم سۇلەيمەن,
«Egemen Qazaqstan»