وندىرىستىك قاۋىپسىزدىك سالاسىنداعى مەملەكەتتىك قاداعالاۋ 9 مىڭنان استام ونەركاسىپ كاسىپورنىندا, ونىڭ ىشىندە 220 مىڭعا جۋىق قاۋىپتى وندىرىستىك نىساندا جۇزەگە اسىرىلادى. بۇل تۋرالى ۇكىمەت وتىرىسىندا بايانداما جاساعان يندۋستريا جانە ينفراقۇرىلىمدىق دامۋ ءمينيسترى رومان سكليار حابارلادى. ونىڭ ايتۋىنشا, 2018 جىلى مينيسترلىك جوعارى تاۋەكەلدى نىساندارعا 1 322 تەكسەرۋ جانە 940 جوسپاردان تىس تەكسەرۋ جۇرگىزدى.
«تەكسەرۋلەر ناتيجەسىندە 39 مىڭنان استام ونەركاسىپتىك قاۋىپسىزدىك تالاپتارىنىڭ بۇزىلعانى انىقتالدى. زاڭدى ورەسكەل بۇزعادارى ءۇشىن 827 نىسان مەن 3 كاسىپورىننىڭ جۇمىسى توقتاتىلدى. 147 ملن. تەڭگەدەن استام 2 مىڭ ايىپپۇل سالىندى. جۇرگىزىلگەن جۇيەلى جۇمىستارعا قاراماستان 2018 جىلى 27 اۆارياعا جول بەرىلىپ (2017 جىلى – 19), 17 ادام زارداپ شەكتى (ولاردىڭ 6-ى ادام ولىمىنە اكەلى)», - دەپ اتاپ ءوتتى مينيستر.
اۆاريالاردىڭ نەگىزگى سەبەپتەرى ەسكىرگەن, مورالدىق جانە فيزيكالىق تۇرعىدان توزعان جابدىقتاردى پايدالانۋ; ونەركاسىپتىك قاۋىپسىزدىك تالاپتارى مەن قاعيدالارىن بۇزۋ; وندىرىستىك باقىلاۋدىڭ بولماۋى نەمەسە قىزمەتكەرلەر بىلىكتىلىگىنىڭ تومەندىگى.
وندىرىستىك قاۋىپسىزدىكتى قاداعالاۋدىڭ تيىمدىلىگىن ارتتىرۋ, قاۋىپتى وندىرىستىك نىسانداردا بولاتىن اپاتتاردى جانە جاراقاتتاردى ازايتۋ ماقساتىندا مينيسترلىك بىرقاتار ءتيىستى شارالار قابىلداۋدا.
«مينيسترلىك قاۋىپتى وندىرىستىك نىساندارداعى اۆاريالار مەن جاراقاتتانۋ دەڭگەيىن تومەندەتۋ ماقساتىندا تەحنيكالىق قۇرىلعىلار مەن تەحنولوگيالىق تىزبەكتەردىڭ قاۋىپسىز جانە تۇراقتى جۇمىسىن قامتاماسىز ەتۋ ءۇشىن جىل سايىن تەحنيكالىق قايتا جاراقتاندىرۋ جوسپارىن ازىرلەدى (2009 جىلدان قازىرگى ۋاقىتقا دەيىن 12 088 دانا جابدىق پەن 595 تەحنولوگيالىق تىزبەك اۋىستىرىلدى). بۇدان بولەك, زاڭنامانى جەتىلدىرۋ جانە ونەركاسىپتىك قاۋىپسىزدىك سالاسىنداعى مەملەكەتتىك قاداعالاۋ تيىمدىلىگىن ارتتىرۋ ماقساتىندا ونەركاسىپتىك قاۋىپسىزدىك ماسەلەلەرى تۋرالى زاڭ جوباسى ازىرلەندى», - دەپ حابارلادى رومان سكليار.
سونىمەن قاتار ۆەدومستۆا ونەركاسىپتىك قاۋىپسىزدىك سالاسىنداعى مەملەكەتتىك قىزمەتتەردى اۆتوماتتاندىرۋ, قاۋىپتى باعالاۋ كريتەريلەرىن قايتا قاراستىرۋ جانە ونەركاسىپتىك قاۋىپسىزدىك سالاسىنا باقىلاۋ جۇمىستارىن جۇرگىزەدى. تەكسەرۋ تالاپتارىنىڭ ءتىزىمى 28 %-كە قىسقارتىلدى. مينيسترلىك قابىلدانعان بارلىق شارالار قاۋىپتى وندىرىستىك نىسانداردا قاۋىپسىزدىكتى قامتاماسىز ەتۋگە باعىتتالعان.