ءبىر ميلليونعا جۋىق ادامنىڭ جالاقىسى وسكەن

ۆەدومستۆو باسشىسى ەلىمىزدە جالاقىنى ۇلعايتۋ ماسەلەسى قالاي ءجۇرىپ جاتقانىن تانىستىرىپ ءوتتى. 

«كەلەسى ماسەلە – مەملەكەت باسشىنىڭ تاپسىرماسىنا سايكەس, ەڭ تومەنگى دەڭگەيدەگى جالاقىنى كوبەيتۋ. قازىرگى تاڭدا 184,6 مىڭ كاسىپورىندا 958 مىڭ قىزمەتكەردىڭ جالاقىسى ءوستى. ەندى مىندەت – اكىمشىلىك, كاسىپوداق, جۇمىس بەرۋشىلەرمەن بىرلەسىپ وسى جۇمىستى ودان ءارى جالعاستىرۋ قاجەت. جىل سايىن جالاقى ەڭ كەم دەگەندە ينفلياتسيانىڭ دەڭگەيىندە كوبەيتىلۋ كەرەك», دەدى ب.ساپارباەۆ.

سونىمەن قاتار ب.ساپارباەۆ جاپپاي قىسقارتۋعا جول بەرىلمەيتىنىن اتاپ ءوتتى. مينيستر كەلتىرگەن دەرەكتەرگە سۇيەنسەك, ورتا ەسەپپەن جالاقى 33 پايىزعا, ياعني 43 مىڭ تەڭگەدەن 57,5 مىڭ تەڭگەگە ۇلعايعان.