3 رەتتىك اينالىم ەسەبىنەن 25 جىلدا 56 مىڭ كوپبالالى وتباسىعا زايم بەرىلەتىن بولادى. بۇل تۋرالى يندۋستريا جانە ينفراقۇرىلىمدىق دامۋ ءمينيسترى رومان سكليار ۇكىمەت وتىرىسىندا ايتتى.
«تۇرعىن ءۇي قۇرىلىس جيناق بانكى ارقىلى كوپبالالى وتباسىلار, مۇگەدەك بالالارى بار نەمەسە مۇگەدەك بالا تاربيەلەپ وتىرعان وتباسىلار جانە تولىق ەمەس وتباسىلارعا 20 جىلعا دەيىن العاشقى جارناسى 10% بولاتىن جىلدىق ستاۆكاسى 2% جەڭىلدەتىلگەن كرەديتتەۋ جۇيەسىن ەنگىزۋ ۇسىنىلادى» دەدى ر.سكليار.
ونىڭ ايتۋىنشا, العاشقى جارناعا تۇرعىن ءۇي سەرتيفيكاتىن پايدالانۋعا مۇمكىندىك بار.
«اتالعان مەحانيزمدى 3 جىل ىشىندە ىسكە اسىرۋ ءۇشىن جىل سايىن 50 ملرد تەڭگەدەن 150 ملرد تەڭگە قاجەت بولادى. جىل سايىن 6 مىڭ زايم بەرۋ جوسپارلانۋدا, سونىمەن قاتار اكىمدىكتەر تاراپىنان 2 مىڭ پاتەر ساتىپ الۋ قامتاماسىز ەتىلەدى» دەدى ول.
مينيسترلىكتىڭ اقپاراتىنا سايكەس, 3 رەتتىك اينالىم ەسەبىنەن 25 جىلدا 56 مىڭ كوپبالالى وتباسىعا زايم بەرىلەتىن بولادى.