زاماناۋي كەڭىستىكتە موبيلدىك تولەمدەر ەڭ قىزۋ تالقىلانعان تاقىرىپتاردىڭ بىرىنە اينالىپ وتىر. ساۋالنامالار ناتيجەسى كورسەتكەنىندەي, ونى الەۋمەتتىك جەلىلەردەگى پىكىرتالاستاردىڭ 30 پايىزعا جۋىعى راستايدى. بيىلعى جىلى تسيفرلىك ءامياندار تۋرالى اقپارات ەكى ەسەگە وسكەن.
PRIME Research كومپانياسىمەن ىنتىماقتاستىقتا Mastercard وتكىزگەن زەرتتەۋلەر وتكەن جىلى Twitter, Facebook, Instagram جانە Weibo سىندى باسقا دا الەۋمەتتىك جەلىلەردەگى 3,3 ميلليوننان استام پوستقا تالداۋ جاساۋ نەگىزىندە كورسەتىلگەن. تسيفرلىك ءارى موبيلدىك ۇلگىدە قۇرىلعان Mastercard جىلدام, ىڭعايلى ءارى قاۋىپسىز تولەم ءتۇرى دەپ باعالايدى سالا ماماندارى.
الەۋمەتتىك جەلىلەردە وسى تاقىرىپ اياسىنداعى پىكىرتالاستار وتكەن جىلدارداعى زەرتتەۋلەرمەن سالىستىرعاندا 30%-عا وسكەن. بۇگىنگى كۇنى موبيلدىك كوممەرتسياعا قاتىستى بۇكىل پىكىرتالاستاردىڭ 20%-ى موبيلدىك ءامياندار اياسىندا شوعىرلانعان. سونداي-اق, وسى نەگىزگى تاقىرىپتارعا قوسا, قولدانۋشىلاردى جاساندى ينتەللەكت, QR-تولەمدەر جانە كيمەلى قۇرىلعىلار ارقىلى تولەم جاساۋ تولعاندىرادى ەكەن.
موبيلدىك تولەمدەردىڭ كەڭ تارالۋى اسىرەسە ازيا جانە افريكا نارىقتارىندا بايقالعان. ءۇندىستان ەڭ بەلسەندى نارىققا اينالىپ, وندا موبيلدىك ءاميانداردى قوعامدىق كولىكتە قولدانۋ جانە QR-كود نەگىزىندەگى تولەمدەردى پايدالانۋ مۇمكىندىگى جوعارى. ال اقش بۇل جۇيەدە ەكىنشى ورىندى (10%) يەلەندى.
MasterCard – جاھاندىق تولەم يندۋسترياسىندا قىزمەت جاسايتىن تەحنولوگيالىق كومپانيا. MasterCard-تىڭ ەكى جۇزدەن استام مەملەكەتتە تۇتىنۋشىلارى بار. كومپانيا ماماندارىنىڭ ايتۋىنشا, MasterCard ونىمدەرىمەن تاۋار ساتىپ الۋ, ساياحاتتاۋ, بيزنەس جۇرگىزۋ جانە قارجىنى باسقارۋ سەكىلدى كۇندەلىكتى مىندەتتەردى وڭاي, قاۋىپسىز ءارى بارىنشا ءتيىمدى.
ەلۆيرا سەرىكقىزى,
«ەqemen Qazaqstan»
الماتى