ۆلاديمير سميرنوۆ: ونداي ساتتەر ەشقاشان ۇمىتىل­مايدى

– وليمپيا ويىندارىندا تاۋەل­سىز ەلىمىزدىڭ العاش رەت ءانۇرانى شىر­­­­قالىپ, تۋى­مىزدىڭ كوكتە جەل­بى­رە­­­­گەنىنە بۇل كۇندەرى تۋرا 25 جىل تولىپ وتىر. سول جە­ڭىستى جولدى ءسىز با­س­تاعان ەدى­ڭىز. ارادا شيرەك عاسىر ۋا­قىت وتسە دە, سكانديناۆيا تۇ­بە­گىن­دەگى سا­­يىستىڭ ءاربىر ءساتى كۇنى بۇ­گىنگە دەيىن كوز الدىڭىزدا شىعار...

– ارينە, ونداي ساتتەردى ەشقاشان ۇمىتۋ مۇمكىن ەمەس. قازاقستان تاۋەلسىز مەملەكەت رەتىندە تۇڭعىش رەت وليمپيا ويىن­دارىنا قاتىسقان كەزدە مەن شەبەر­لىگى ابدەن تولىسقان سپورتشى ەدىم. وعان دەيىن دە تالاي دۇرمەككە قاتى­سىپ, سان مارتە جەڭىسكە جەت­تىم. سول سەبەپتى دە تورت­­جىل­دىق­تىڭ باستى دوداسىن­دا قات­تى تولقىدىم دەپ ايتا ال­­مايمىن. دەسەك تە ليل­لە­حام­مەردەگى دودا ەرەكشە ءوتتى. ءار قاشىقتىقتا با­سەكەلەستىك سۇم­دىق بولدى. تورتكۇل دۇ­نيەنىڭ تەڭ­دەس­سىزدەرى نور­ۆەگيادا باس قوستى. اسىرەسە, بورن دە­لي, توماس السگورد جانە ۆەگارد ۋلۆانگ باستاعان جا­رىس قوجايىندارىنىڭ قار­قىنى كەرەمەت ەدى. باسقا ەل­دىڭ وعلاندارى دا «ولىسپەي بەرىسپەۋگە» بەكىندى. مەن دە ەش ايانىپ قالعان جوقپىن. جارىس جولىندا بارىمدى سالىپ, قايتكەندە دە ەل سەنىمىن, بارشا جانكۇيەردىڭ ءۇمىتىن اقتاۋعا تىرىس­تىم. سونىڭ ناتيجەسىندە جە­ڭىس تۇعىرىنا ءۇش مارتە كوتە­رىلدىم. عالامدىق دودادا تۋى­مىزدى كوكتە جەلبىرەتىپ, ءان­ۇرانىمىزدى شىرقاتۋعا كۇش-جىگە­رىمنىڭ جەتكەنىنە ەرەكشە شاتتاندىم. 

– ءوزىڭىز وليمپيادا سا­يىسىن­دا جۇلدە العان جارىس تۇرلەرىنە جەكە-جەكە توق­­تالا كەتسەڭىز... 

– 10 شاقىرىمدىق كلاس­سيكالىق جانە 15 شاقى­رىم­دىق ەركىن تاسىلدەر بويىن­شا وتكەن جارىستاردا كۇ­مىس مەدالدى يەلەندىم. ەكى رە­تىندە دە اتاعى جەر جارعان نورۆەگيانىڭ ساڭلاعى بورن دەليدەن عانا قالىپ قويدىم. بۇل باسەكەلەر 15 پەن 17 اق­پاندا وتكەن ەدى. سودان اراعا تۋرا 10 كۇن سالىپ, ياعني 27 اقپاندا كلاسسيكالىق ءتاسىل بويىنشا 50 شاقىرىمدىق قاشىقتىقتا ونەر كورسەتتىم. وسى باسەكەدە باعىم جانىپ, باس جۇلدەنى ولجالادىم. ياعني, ءدال سول كۇنى وليم­پيا ويىندارى تاريحىن­دا تاۋەلسىز قازاقستاننىڭ ءان­ۇرا­نى العاش رەت شىرقالعان ەدى. 

– ەلگە ورالعاننان كە­يىن ايرىق­شا قۇرمەت پەن قو­شەمەتكە بولەنگەن بولارسىز؟

– ول دا ءبىر ەرەكشە ءسات بولدى. قازاق­­ستانعا ورالعاننان كەيىن حالىق­تىڭ ىستىق ىقى­لاسىن سەزىندىم. ەلباسى نۇرسۇلتان نازارباەۆتىڭ قا­­بىلداۋىندا بولدىم. رەس­پۋبليكالىق دەڭگەيدەگى باسشىلار, وبلىس اكىمدەرى جانە باسقا دا لاۋازىمدى تۇلاعالار قۇرمەت كورسەتتى. 

– قازىر قانداي قىز­مەتتەسىز؟ 

– قازىر ەشقانداي قىزمەتتە جوق­پىن. جايلاپ بيزنەسپەن اينالىسىپ جۇرگەن جايىم بار.

– سپورتشى رەتىندە كوز­دەگەن ماق­ساتىڭىزدىڭ بار­لىعىنا قول جەت­كىزە الدىم دەپ ويلايسىز با؟ 

– بيىك بەلەستەردىڭ ءبىرازىن باعىن­دىردىق. ەڭ باستىسى, اسا ءىرى سپورتتىق دودالاردا جەڭىس تۇعىرىنا كوتەرىلۋ با­قىتى ماعان بۇيىردى. سوعان تاۋبە دەيمىن! 

– وعان ەش داۋ جوق! دەسەك تە ادام بالاسىنىڭ ارمانى اسقاق قوي... 

– ءيا, ونىڭىز راس. ۇلكەن سپورتتان قول ۇزگەننەن كەيىن ەل سپورتىنىڭ وركەندەۋىنە ەلەۋلى ەڭبەك سىڭىرگىم كەلدى... ال قازىرگى كەزدە وليمپيا ويىن­­دارى قازاقستاندا وت­سە دەپ ءجيى ار­ماندايمىن. ەڭ بولماعاندا, جاس­­وسپى­رىم­دەردىڭ دۇنيەجۇزىلىك وليم­­پياداسىنىڭ جالاۋىن ءوز ەلىمىزدە جەلبىرەتسەك تە جامان بولمايتىن ەدى. ايتۋلى جارىس اسا كوپ شىعىندى قا­جەت ەتپەيدى. ەسەسىنە ونىڭ بىزگە بەرەرى كوپ. ەڭ باستىسى, وسىنداي شا­­رالار قازاقستاندا قىس­قى سپورت تۇرلەرىنىڭ ور­كەندەۋىنە ۇلكەن سەپتىگىن تي­گىزەدى. 

– وسى سالانىڭ مايتال­مان مامانى رەتىندە اقي­قاتىن ايتىڭىزشى: قا­زاقستاندا شاڭعى سپورتى ءوزىنىڭ بۇرىنعى دەڭگەيىنە كوتەرىلە الا ما؟ 

– قازاقستاندا شاڭعى سپورتىنىڭ بولاشاعى بار. ويتكەنى سوڭعى جىلدارى ال­ماتى مەن ششۋچە قالا­لارىندا جاقسى نىساندار بوي كوتەردى. باسقا وڭىرلەردە دە وسى سپورت تۇرىنە دەگەن قىزىعۋشىلىق بايقالادى. سول نىسانداردى وڭتايلى پايدالانىپ, دۇرىس باعىتتا جۇمىس ىستەيتىن بولساق, كوپ نارسەگە قول جەت­كىزۋگە بولادى. سونىمەن قاتار كلۋبتىق, بۇقارالىق, مەكتەپ پەن ستۋدەنت­تەر سپورتىن بارىنشا دا­­مىتۋ قاجەت. سوندا ءىس ورگە باسادى. 

– اڭگىمەڭىزگە راحمەت. 

اڭگىمەلەسكەن عالىم سۇلەيمەن,

«Egemen Qazaqstan»