وبلىس اكىمدىگىنىڭ كەڭەيتىلگەن وتىرىسىندا وبلىس اكىمىنىڭ ورىنباسارى م. جۇندىباەۆ جاستار جىلىنىڭ شەڭبەرىندە وتكىزىلىپ جاتقان جانە جوسپارلانعان ءىس-شارالار تۋرالى باياندادى.
م. جۇندىباەۆ «ەل ەرتەڭى – بولاشاق جاستاردىڭ قولىندا!» جول كارتاسىن ىسكە اسىرۋ بارىسى تۋرالى ايتتى.
جول كارتاسىندا بارلىق مەملەكەتتىك قۇرىلىمداردىڭ قاتىسۋىمەن جۇزەگە اسىرىلاتىن 78 ءىس-شارا قاراستىرىلعان. وبلىس اكىمىنىڭ ورىنباسارى جاستار باستامالارىن قولداۋعا باعىتتالعان جوبالار تۋرالى اڭگىمەلەدى.
«2018 جىلى قوستاناي وبلىسىنىڭ اۋماعىندا «Zhas Project» جاستار كورپۋسىن دامىتۋ جوباسى ىسكە اسىرىلدى. 492 جاس ىسكە اسىرعان 143 جوبا گراندتىق قارجىلاندىرۋدى يەلەندى. قارجىلاندىرۋدىڭ جالپى سوماسى 230 ملن تەڭگەدەن اسادى», - دەپ حابارلادى م. جۇندىباەۆ.
سونداي-اق مارات جۇندىباەۆ 2019 جىلدىڭ مامىرىندا جاستار سارايىنىڭ سالتاناتتى اشىلۋىندا قازاقستان-رەسەي جاستارىنىڭ ىنتىماقتاستىق فورۋمىن وتكىزۋ جوسپارلانىپ وتىرعاندىعىن جەتكىزدى.
قورىتىندىلاي كەلە, ول باسىم باعىتتىڭ جاس ۇرپاقتى, اتاپ ايتقاندا, NEET ساناتىنداعى (جۇمىس ىستەمەيتىن, وقىماعان جانە بىلىكتىلىگىن ارتتىرمايتىن), جاستاردى جان-جاقتى قولداۋدى قامتاماسىز ەتۋ ەكەنىن اتاپ ءوتتى.