قاراعاندى وڭىرىندە بالالاردى تەگىن قابىلدايتىن 40 سپورت مەكتەبى جۇمىس ىستەيدى. 2018 جىلى ولارعا 29 000-نان استام ادام جاتتىعۋعا كەلگەن. مامانداندىرىلعان مەكتەپتەردە سپورتتىڭ 68 ءتۇرى بار, ونىڭ ىشىندە 40-ى وليمپيادالىق سپورت تۇرلەرى.
جىل سايىن سپورتتىق كيىمدەر مەن قۇرالدارعا بولىنەتىن قاراجات كولەمى ۇلعايتىلۋدا. ەڭ باستىسى – بالالاردىڭ وبلىستىق, رەسپۋبليكالىق جانە حالىقارالىق سايىستارعا قاتىسۋى قارجىلاندىرىلادى. 2018 جىلى قاراعاندى وبلىسىنان 28 000 جۋىق سپورتشىلار ءتۇرلى دەڭگەيدەگى 972 سايىستارعا قاتىسقان. ول جارىستاردا 8687 مەدال قانجىلاعان, ونىڭ ىشىندە التىن - 2831, كۇمىس – 2735, قولا - 3121.
وڭىرىمىزدە 114 حالىقارالىق جانە رەاسپۋبليكالىق سايىستار, 42 قازاقستان چەمپيوناتتارى, 31 حالىقارالىق تىرنيرلەر مەن ەكى الەمدىك بىرىنشىلىكتەر ۇيىمداستىرىلدى.
بالالار سپورت مەكتەپتەرى تەك قاراعاندىدا عانا ەمەس, سونىمەن قاتار تەمىرتاۋ, ساران, شاحتينسك, اباي, قاراجال, بالقاش, جەلقازعان قالالارىندا, سونداي-اق وبلىستىڭ بارلىق اۋداندارىندا دا جۇمىس ىستەيدى. كەنتتەردە اشىلاتىن دەنە شىنىقتىرۋ-ساۋىقتىرۋ كەشەندەرى جاتتىعۋلار وتكىزەتىن بازاعا اينالىپ وتىر.
وتكەن جىلدان باستاپ «تسيفرلىق قازاقستان» باعدارلاماسى بويىنشا وبلىستىڭ سپورت مەكەمەلەرىندە «دەنە شىنىقتىرۋ جانە سپورت مونيتورينگى» اۆتوماتتاندىرىلعان اقپاراتتىق جۇيەسى ەنگىزىلۋدە. ول بارلىق سپورت مەكتەپتەرى بويىنشا بىرىڭعاي دەرەكتەر بازاسىن قۇرۋعا مۇمكىندىك بەرەدى. بۇل ءوز كەزەگىندە سپورتشىلار مەن جاتتىقتىرۋشىلاردى قارجىلاندىرۋدىڭ اشىقتىعى مەن ايقىندىلىعىن قامتاماسىز ەتەدى, وڭىردە سپورت تۇرلەرى مەن ينفراقۇرىلىمنىڭ دامۋى تۋرالى ناقتى جانە تولىق اقپارات بەرەدى.
سونىمەن قاتار ءموبيلدى قوسىمشا دا جاسالىپ جاتىر. ونىڭ كومەگىمەن كەز كەلگەن ادام وڭىردەگى سپورت مەكتەپتەرى, فەدەراتسيالار مەن كلۋبتار تۋرالى بارلىق اقپاراتتى, جۇمىس كەستەسىن بىلە الادى, سونداي-اق پايدالانۋشىلار ءۇشىن قوسىمشادا جاتتىقتىرۋشىلار تۋرالى مالىمەتتەر مەن بالانى سەكتسياعا جازۋ اتقارىمى بولادى.
وبلىسىمىزداعى بالالاردا سپورتپەن شۇعىلدانۋعا جاعداي جاساۋ ءۇشىن كوپتەگەن جۇمىستار اتقارىلىپ جاتىر.
ەڭ جارقىن مىسالداردىڭ ءبىرى – قاراعاندى گيمناستيكا مەكتەبىنىڭ تاربيەلەنۋشىلەرى, جاستار اراسىندا سپورتتىق اكروباتيكا بويىنشا الەم چەمپيوناتىنىڭ جەڭىمپازدارى نيكيتا اموسكين مەن اناستاسيا دولگانيۋك. نوۆودولينكا كەنتىنىڭ تۋماسى نيكيتا جۋىردا «قازاقستاننىڭ 100 تۇلعاسى» رەسپۋبليكالىق جوباسىنىڭ جەڭىمپازى اتاندى. وسىمەن ون جىل قاتارىنان ول كۇن سايىن تاڭعى التىدا تۇرىپ, سپورت مەكتەبىنە جاتتىعۋعا بارادى. نيكيتا اموسكين – ومىردە قالاعانىڭىزدىڭ بارلىعىنا قول جەتكىزۋگە بولاتىنىن دالەلدەۋشى.