«راحات» كومپانياسى وتاندىق كونديتەرلىك نارىقتىڭ كوشباسشىسى اتاندى

«راحات» اق ءۇشىن 2018 جىل دا  كەزەكتى تابىس جىلى بولدى. كومپانيانىڭ بارلىق نەگىزگى كورسەتكىشتەرى بويىنشا وڭ سەرپىن بايقالدى – ءتۇسىمى, تابىستىلىعى جانە نارىقتاعى ۇلەسى ۇلعايدى. اسىرەسە, شوكولادتار ساناتى اسا جاقسى ناتيجە كورسەتتى.

«راحات» اق باسقارما توراعاسى فەدورەتس كونستانتين: «كومپانيا ءۇشىن وتكەن جىل اسا ماڭىزدى بولدى, سەبەبى ءبىز بارلىق ساناتتارداعى ونىمدەرىمىزدىڭ ءداستۇرلى ساپاسى, قىركۇيەك ايىندا اشىلعان جاڭا شوكولاد ءوندىرىسى جەلىسى, سونىمەن قاتار بولشەك ساۋداداعى امالداردى وزگەرتۋ ەسەبىنەن تۇراقتى ءوسۋ فازاسىن ساقتاي الدىق. ءبىز نارىقتاعى ۇردىستەردى قاتاڭ قاداعالاپ وتىرامىز, باسقا ويىنشىلاردىڭ ارەكەتتەرى مەن بەلسەندىلىگىن تالدايمىز. 2019 جىلى ءوسىم قارقىنىن ۇستانۋعا جانە باسەكەلەستىك ارتىقشىلىقتارىمىزدى ارتتىرا تۇسۋگە دايىنبىز» دەدى.

سونىمەن 2017 جىلمەن سالىستىرعاندا, 2018  جىلى كومپانيانىڭ جالپى تابىسى 4,8% وسكەن, كومپانيا جىلدى 59 171 ملن. تەڭگە تۇسىممەن جاپتى. نارىقتاعى ۇلەسى 2% ءوسىپ, نەگىزگى ساناتتار بويىنشا 20,5% كورسەتكىشىنە جەتتى.

كومپانيانىڭ تابىسى دا ەداۋىر ۇلعايىپ, وتكەن جىلمەن سالىستىرعاندا وپەراتسيالىق پايدا كورسەتكىشى 9,1% ءوسىپ, 8 758 ملن. تەڭگەنى قۇرادى.

اسىرەسە, شوكولاد ءتىلىمىن وتكىزۋ كورسەتكىشتەرىن ايتا كەتۋ كەرەك. جالپى سانات بويىنشا تومەندەۋ ءۇردىسى قارقىن الىپ كەلە جاتقاندا مۇنداعى نارىق ۇلەسىنىڭ جىلدىق ءوسىمى 6% قۇرادى.قازاقستاندىق تۇتىنۋشىلار جىلدار بويى تەكسەرىلگەن ساپانى تاڭداپ, ءبىزدىڭ شوكولادتى ساتىپ العاندى ارتىق كورەدى, ءسويتىپ, ءبىزدى وسى سانات بويىنشا نارىقتاعى كوشباسشى اتاعىنا جاقىنداتا تۇسەدى.

وسى رەتتە تەڭگەمەن كورسەتىلگەن باعاسى 3% ءوسىپ, اقش دوللارىنداعى باعاسى 4,3% تومەندەدى.

سونداي-اق, وتكەن جىلى كومپانيا بىرنەشە ۇلكەن جوبانى جۇزەگە اسىرۋعا قول جەتكىزگەن. 2018 جىلدىڭ ەڭ ءىرى جوباسى الماتى قالاسىنداعى فابريكادا جاڭا شوكولاد جەلىسى ىسكە قوسىلدى. بۇل كومپانياعا ماۋسىمنىڭ باسىندا وسكەن سۇرانىستى قاناعاتتاندىرۋعا مۇمكىندىك بەردى.

جانە وڭتۇستىك كورەيادان كەلگەن PEPERO ساۋدا بەلگىسىنىڭ جاڭا ونىمدەرى ءساتتى ىسكە قوسىلعانىن دا ايتا كەتۋ كەرەك. سوڭعى جىل ىشىندە يمپورتتىق ءونىم ەكى ەسە ءوسىم كورسەتتى.

مەنشىكتى بولشەك ساۋدا ورىندارىنىڭ ەكسپانسياسى جالعاستى – الماتىدا, استانادا جانە شىمكەنتتە 5 جاڭا دۇكەن اشىلدى.

ال ەكسپورت بويىنشا ءوسىم, نەگىزىنەن, كەدەندىك وداقتان تىس ەلدەر ەسەبىنەن 4,5% قۇرادى. كو ىشىندە 2,2% تومەندەدى.

الەۋمەتتىك جاۋاپكەرشىلىك پەن مويىندالۋ تۇرعىسىندا ءسوز قوزعايتىن بولساق, 2018 جىلعى اقپان ايىندا ماسكەۋ قالاسىندا وتكەن «پرودەكسپو - 2018» ازىق-ت ۇلىك ونىمدەرىنىڭ 25-ءشى حالىقارالىق كورمەسىندە «ۇزدىك ءونىم-2018» حالىقارالىق بايقاۋى اياسىندا «راحات» اق ءونىمى 11 نوميناتسيادا التىن مەدالدارعا يە بولدى. 

فابريكا دەمەۋشىلىك جانە قايىرىمدىلىق ىستەرىمەن اينالىسىپ, بەلسەندى الەۋمەتتىك پوزيتسيانى ۇستانادى. كومپانيا مۇمكىندىگى شەكتەۋلى بالالارعا, جەتىمدەرگە جانە كۇنكورىسى تومەن جانۇيالاردان شىققان بالالارعا ارناپ ءتۇرلى سپورتتىق, مادەني, مەرەكەلىك شارالاردى وتكىزۋدە دەمەۋشىلىك جاسايدى.

2018 جىلى قازان ايىندا دەمەۋشىلىك جانە قايىرىمدىلىق سالاسىندا «التىن جۇرەك» سىيلىعىنانومينانت ديپلومىن يەلەندى.

ايناش ەسالي,

«Egemen Qazaqstan»

الماتى