ءبىرىنشى ۆيتسە-پرەمەر ءاليحان سمايىلوۆ قازاقستان ۇلتتىق ەكونوميكا مينيسترلىگىنىڭ ۇجىمىنا جاڭادان تاعايىندالعان مينيستر رۋسلان دالەنوۆتى تانىستىردى دەپ حابارلايدى economy.gov.kz.
ءبىرىنشى ۆيتسە-پرەمەر, مۇنداي مەملەكەتتىك لاۋازىمعا يە بولۋ مەملەكەت باسشىسىنىڭ جوعارى سەنىمىنىڭ, سونداي-اق جەكە, كاسىبي جانە ىسكەرلىك قاسيەتىن باعالاۋىنىڭ كورىنىسى ەكەنىن اتاپ ءوتتى.ء ا. سمايىلوۆ سونداي-اق, جاڭادان تاعايىندالعان ۇلتتىق ەكونوميكا ءمينيسترى رۋسلان ەربولات ۇلى دالەنوۆتىڭ ەكونوميكانى تۇراقتاندىرۋ مەن ەلدىڭ الەۋمەتتىك-ەكونوميكالىق دامۋىن ارتتىرۋ جونىندە ۇكىمەت قويىپ وتىرعان مىندەتتەردى تابىستى ورىنداۋدا جيناعان تاجىريبەسى مەن ءبىلىمىن, كاسىبي داعدىسىن قولداناتىنىنا سەنىم ءبىلدىردى.
ءبىرىنشى ۆيتسە-پرەمەر رۋسلان دالەنوۆتىڭ قارجىلىق-ەكونوميكالىق سالادا جەتكىلىكتى جۇمىس تاجىريبەسى بارلىعىن اتاپ كورسەتتى. ول ءار جىلدارى مەملەكەتتىك باسقارۋ جۇيەسىندە باسشىلىق قىزمەت اتقاردى. 9 جىل بويى قارجى ۆيتسە-ءمينيسترى بولدى. كەيىنگى ەكى جىل ىشىندە ۇلتتىق ەكونوميكا ءبىرىنشى ۆيتسە-ءمينيسترى لاۋازىمىن اتقاردى.
سونداي-اق ءاليحان سمايىلوۆ ۆەدومستۆونىڭ تيمۋر سۇلەيمەنوۆتىڭ باسشىلىعىمەن جۇرگىزىلگەن جەمىستى ەڭبەگىنە ريزاشىلىق ءبىلدىردى.
رۋسلان دالەنوۆ ەل باسشىلىعى مەن ۇكىمەتكە زور سەنىمى ءۇشىن العىس ايتا كەلىپ, مەملەكەتتىڭ دامۋى جولىندا الداعى ۋاقىتتا تاباندى جۇمىس اتقارۋعا دايىن ەكەنىن ءبىلدىردى.
مينيستر سونىمەن قاتار, ۇجىمنىڭ كاسىبيلىگىن اتاپ ءوتىپ, مينيسترلىكتىڭ حالىقتىڭ ءومىر ءسۇرۋ دەڭگەيى مەن ساپاسىن ارتتىرۋ, ەل ەكونوميكاسىن ودان ارعى ءارتاراپتاندىرۋ, شاعىن جانە ورتا بيزنەستى دامىتۋ, جۇمىس ورنىن قۇرۋ ءتارىزدى ۆەدومستۆو اتقارۋى ءتيىس مىندەتتەردى ورىنداۋعا زور كۇش سالاتىنىنا سەندىردى.
رۋسلان دالەنوۆ قازاقستان رەسپۋبليكاسى پرەزيدەنتىنىڭ 2019 جىلعى 25 اقپانداعى №855 جارلىعىمەن ۇلتتىق ەكونوميكا ءمينيسترى بولىپ تاعايىندالدى.