جالاعاشتاعى اۋداندىق مادەنيەت ۇيىندە قايىرىمدىلىق اكتسياسى ءوتتى.
اكتسياعا مەملەكەتتىك قىزمەتكەرلەردەن بولەك, شارۋا قوجالىقتارىنىڭ باسشىلارى, كاسىپكەرلەر قاتىسىپ 2 ملن. 500 مىڭ تەڭگە جينالدى. ول قارجى تۇرمىسى تومەن 120 وتباسىنىڭ قاجەتىنە بەرىلەدى.
- بۇگىنگى اكتسيا اۋدان اۋماعىنداعى كومەككە مۇقتاج تۇرمىسى تومەن كوپبالالى وتباسىلاردى, مۇگەدەكتەر مەن جالعىزباستى قارت كىسىلەردى, زەينەتكەرلەردى, جەتىم جانە قامقورشىسىنان ايرىلعان بالالاردى الەۋمەتتىك قولداۋ باعىتىندا ۇيىمداستىرىلىپ وتىر. اكتسيا بارىسىندا الەۋمەتتىك قولداۋ شارالارى ءۇشىن قارجىلاي كومەك كورسەتۋگە ارنايى جاشىك قويىلدى. قايىرىمدىلىق ءىس-شاراسىنان تۇسكەن قارجىنى ارنايى كوميسسيا تۇرمىسى تومەن, از قامتىلعان وتباسىلارىنا بولەتىن بولادى. بۇل باعىتتاعى يگى شارالار الداعى ۋاقىتتا دا نازاردان تىس قالماي, كەڭىنەن جالعاسىن تابادى, - دەدى اۋدان اكىمى قايراتبەك سارسەنباەۆ.
باقتيار تايجان,
«Egemen Qazaqstan»
قىزىلوردا وبلىسى