24 اقپان مەن 4 ناۋرىز ارالىعىندا بولگاريانىڭ رۋسە قالاسىندا كۇرەس تۇرلەرىنەن «دان كولوۆ جانە نيكولا پەتروۆ» حالىقارالىق ءتۋرنيرى باستالادى دەپ حابارلايدى Olympic.kz.
بۇگىندە اتالعان تۋرنيرگە قاتىساتىن ەركىن كۇرەس بالۋاندارىنىڭ ەسىمى بەلگىلى بولدى. قازاقستان كومانداسىنىڭ باس باپكەرى اسەت سەرىكباەۆ الماتىداعى ءاىۆا اكادەمياسىندا وتكەن بىرلەسكەن وقۋ-جاتتىعۋ جيىنىنان سوڭ حالىقارلىق جارىستا باق سىنايتىن سپورتشىلار ەسىمىن اتادى.
ولار: نۇريسلام ساناەۆ (57 كەلى), قۋات امىرتاەۆ (61 كەلى), بولات ساقاەۆ (74 كەلى), ابىلايحان نۇرسۇلتانوۆ (79 كەلى), نۇرداۋلەت كوكتەۋباەۆ (86 كەلى), ازامات داۋلەتبەكوۆ (86 كەلى).
ەسكە سالا كەتەيىك, قازاقستاندىق بالۋاندار بەس ەل سپورتشىلارىنىڭ قاتىسۋىمەن وتكەن وقۋ-جاتتىعۋ جيىنىن اياقتادى.