ءماجىلىس جەڭىس قاسىمبەكتى پرەمەر-ءمينيستردىڭ ورىنباسارى لاۋازىمىنا تاعايىنداۋعا كەلىسىم بەردى. بۇل تۋرالى پالاتانىڭ ءباسپاسوز قىزمەتى حابارلادى.
بۇگىن ماجىلىستە ەكونوميكالىق رەفورما جانە وڭىرلىك دامۋ كوميتەتىنىڭ وتىرىسى وتكەن بولاتىن. جيىندا ءسوز العان پرەمەر-مينيستر كەڭسەسىنىڭ باسشىسى نۇرلان الدابەرگەنوۆ جاڭا قىزمەتكە ۇسىنىلىپ وتىرعان ج.قاسىمبەكتىڭ ۇكىمەت جۇمىسىن ستراتەگيالىق ماقساتتا دامىتۋعا لايىق كانديدات ەكەنىن اتاپ ءوتتى.
ءىس-شارا بارىسىندا كوميتەت مۇشەلەرى ج.قاسىمبەككە بىرقاتار سۇراق قويىپ, شەشىم قابىلدادى. جيىن سوڭىندا دەپۋتاتتار وعان الداعى جۇمىسىنا ساتتىلىك تىلەدى.