بۇگىن ءماجىلىستىڭ ەكونوميكالىق رەفورما جانە وڭىرلىك دامۋ كوميتەتىنىڭ وتىرىسى ءوتتى. وندا يندۋستريا جانە ينفراقۇرىلىمدىق دامۋ ءمينيسترى لاۋازىمىنا تاعايىنداۋ ءۇشىن رومان سكلياردىڭ كانديداتۋراسى ماقۇلداندى. بۇل تۋرالى پارلامەنت ءماجىلىسىنىڭ ءباسپاسوز قىزمەتى حابارلادى.
وسى ماسەلە كوميتەتتىڭ وتىرىسىندا «قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى» قازاقستان رەسپۋبليكاسى كونستيتۋتسيالىق زاڭىنىڭ 22-1-بابىنا سايكەس قارالدى.
قازاقستان پرەمەر-ءمينيسترىنىڭ تاپسىرماسى بويىنشا كانديداتۋرانى پرەمەر-مينيستر كەڭسەسىنىڭ باسشىسى نۇرلان الدابەرگەنوۆ تانىستىردى.
ءماجىلىس كوميتەتىنىڭ مۇشەلەرى ر. سكليارعا بىرقاتار سۇراق قويدى. تالقىلاۋدان كەيىن يندۋستريا جانە ينفراقۇرىلىمدىق دامۋ ءمينيسترى لاۋازىمىنا تاعايىنداۋ ءۇشىن رومان ۆاسيلەۆيچ سكليارىنىڭ ۇسىنىلعان كانديداتۋراسىن ۇسىنۋ مۇمكىندىگى تۋرالى قورىتىندى قابىلداندى.