قاراعاندى وبلىسىندا بيىلعى جىلى مەملەكەتتىك-جەكەمەنشىك ارىپتەستىك شەڭبەرىندە 9 وتباسىلىق دەنساۋلىق ورتالىعى اشىلادى. ول جايلى ايماقتىق كوممۋنيكاتسيالار قىزمەتىندە وتكەن بريفينگ بارىسىندا قاراعاندى وبلىستىق دەنساۋلىق ساقتاۋ باسقارماسىنىڭ امبۋلاتورلى-ەمxانالىق كومەكتى دامىتۋ جانە ۇيلەستىرۋ ءبولىمىنىڭ جەتەكشىسى دانا بايكەنوۆا مالىمدەدى.
- قاراعاندىدا 80-90 مىڭ ادام تىركەلگەن ءىرى ەمxانالار كوپ. ولاردىڭ جۇكتەمەسىن ءسال ازايتۋ ءۇشىن جانە مەديتسينالىق كومەكتىڭ قادامدىق قولجەتىمدىلىگىن قامتاماسىز ەتۋ ءۇشىن, بيىلعى جىلى ەكى ەمxانا اشىلعان بولاتىن. ول №8 ەمxانا جانە «ميراس» كلينيكاسى. بۇل مەكەمەلەرگە 30 مىڭنان استام ادام تىركەلدى.
ءمجا باعدارلاماسى بويىنشا جۇمىستار جالعاسۋدا. 2019 جىلى تاعى دا قوسىمشا 9 وتباسىلىق دەنساۋلىق ورتالىعىن اشۋ جوسپارلانىپ وتىر. ولاردىڭ ەكەۋى ناۋرىزدا مايقۇدىقتا اشىلادى. تورتەۋى - قاراعاندىنىڭ تۇرعىندار ەڭ كوپ شوعىرلانعان جانە نە بارى ەكى ەمxاناسى بار اۋدانىندا, وڭتۇستىك-شىعىستا ورنالاساتىن بولادى.
سونداي-اق تەمىرتاۋدا دا ەمxانا قۇرىلىسى باستالادى. تاعى ءبىر ورتالىق جەزقازعان قالاسىندا اشىلماق.