ەركىن كۇرەستەن قازاقستان كومانداسى الماتى وبلىسىنداعى ءاىۆا بازاسىندا بىرلەسكەن وقۋ-جاتتىعۋ جيىنىن اياقتادى. بۇل تۋرالى Olympic.kz حابارلادى.
ءاىۆا اكادەمياسىندا وتكەن جاتتىعۋ جيىنىنا قازاقستان, وزبەكستان, قىرعىزستان, بەلارۋس جانە ليتۆا ۇلتتىق قۇرامالارى قاتىستى.
«شىمكەنتتەگى ەل سپارتاكياداسى اياقتالعان بەتتە-اق جاتتىعۋ جيىندارىن باستاپ كەتتىك. جيىنعا بەس ەل سپورتشىلارى قاتىسىپ, بالۋاندار ءبىر-بىرىمەن تاجىريبە الماستى. جىل باسىندا شەتەلدىكتەرمەن بىرلەسىپ دايىندىق وتكىزۋ سپورتشىلار ءۇشىن دە قولايلى. بولاشاق قارسىلاستارىنىڭ قىر-سىرىن ءبىلىپ, شەبەرلىكتەرىن ارتتىرا تۇسەدى. ەندى ءبىز بولگاريادا وتەتىن حالىقارالىق تۋرنيرگە اتتانامىز», - دەيدى ەركىن كۇرەستەن كوماندا باس باپكەرى اسەت سەرىكباەۆ.
ەسكە سالا كەتەيىك, كۇرەس تۇرلەرىنەن قازاقستان كومانداسى 27 اقپان - 4ناۋرىز ارالىعىندا بولگاريانىڭ رۋسە قالاسىندا وتەتىن «Dan Kolov-Nikola Petrov» تۋرنيرىنە قاتىسادى.