حەرەنۆەن (نيدەرلاند) قالاسىندا ءوتىپ جاتقان سپرينتەرلىك كوپسايىستان الەم چەمپيوناتىندا قازاقستاندىق ەكاتەرينا ايدوۆا 5-ءشى ورىننان كورىندى دەپ حابارلايدى Olympic.kz.
جارىس ەرەجەسى بويىنشا سپورتشىلار 500 جانە 1000 مەتردى ەكى رەتتەن جۇگىرىپ ءوتۋى ءتيىس. ءبىرىنشى جارىس كۇنىنەن سوڭ سەگىزىنشى ورىندا تۇرعان ايدوۆا جالپى ەسەپتە بەسىنشى ورىنعا كوتەرىلدى.
سپرينتەرلىك كوپسايىستان الەم چەمپيونى اتاعىن جاپونيالىق ناو كودايرا جەڭىپ الدى. كۇمىس جۇلدە تاعى ءبىر جاپوندىق سپورتشى ميحو تاكاگيدىڭ ەنشىسىندە. قولا مەدالدى امەريكالىق بريتني بوۋ يەلەندى.