«نۇر وتان» پارتياسى جيىرما جىلدىڭ ىشىندە ەلىمىزدەگى جەتەكشى پارتياعا اينالدى. ءوزىنىڭ ەل ىشىندەگى جاقسى ىستەردى ۇيىمداستىرۋ, بىرلىككە ۇندەۋ جانە تىڭنان تۇرەن تارتقان باستاماشىل بولۋى ارقىلى جالپاق جۇرتتىڭ سەنىم ارتار تىرەگى بولىپ وتىرعاندىعى بارشاعا بەلگىلى.
پارتيانىڭ بارلىق باعدارلامالارىن ءجىتى كوڭىلمەن سارالاپ, اقىل تارازىسىنا سالساڭىز, ادامدارعا ناقتى قامقورلىق جاساپ, بولاشاققا سارا جول اشۋدى كوزدەيدى جانە ءاردايىم ادامگەرشىلىككە, كىسىلىككە ۇندەيدى. كوكشەتاۋ قالاسىنداعى اباي مىرزاحمەتوۆ اتىنداعى ۋنيۆەرسيتەتتىڭ جانىنداعى, قۇرامىندا ۋنيۆەرسيتەت وقىتۋشىلارى, جاس عالىمدار مەن جۇزدەگەن ستۋدەنت توپتاسقان پارتيانىڭ باستاۋىش ۇيىمى باعالى باعدارلامالاردىڭ جۇزەگە اسۋىنا ءوز ۇلەستەرىن قوسۋدا. وسىدان ەكى جىل بۇرىن وبلىستاعى باستاۋىش ۇيىمداردىڭ اراسىندا وتكىزىلگەن بايقاۋدا ەكىنشى ورىنعا يە بولدىق.
نەگىزىندە, پارتيا ەل سەنىمىنە ابدەن يە بولعان ۇيىم. ويتكەنى ونىڭ بار ماقساتى − تاۋەلسىز ەلىمىزدىڭ تۇعىرىن بيىكتەتۋ. وقۋ ورنى بولعاندىقتان, جاستاردىڭ بويىنا ادامگەرشىلىك, كىسىلىك ۇرىعىن سەبۋ وتە ماڭىزدى. ءبىزدىڭ باستاۋىش ۇيىمنىڭ حال-قادەرىنشە قامتىپ وتىرعان شارۋاسىنىڭ ءبىر پاراسى وسى باعىتتا. نەگىزى پارتيانىڭ «ارداگەرلەردى ارداقتايىق», «كەدەرگىسىز بولاشاق» ءتارىزدى باعدارلامالارى جانىمىزعا تىم جاقىن. ءبىزدىڭ باستاۋىش ۇيىم ەل ىشىندە پارتيانىڭ العا قويىپ وتىرعان ماقسات-مۇراتتارىن جان-جاقتى تۇسىندىرۋمەن قاتار, ناقتىلى ىستەرىمەن دە ەرەكشەلەنەدى. ماسەلەن, ءاربىر وقۋ جىلى قارساڭىندا «مەكتەپكە جول» اكتسياسىنا بەلسەنە قاتىسۋ يگى داستۇرگە اينالعان.
ۇلى وتان سوعىسىنىڭ ارداگەرلەرى دە باستى نازاردا. وتكەن جىلى ارداگەرلەرگە ماتەريالدىق كومەك كورسەتىلدى. جاڭا جىل قارساڭىندا ساندىقتاۋ اۋدانىنداعى بالالار ۇيىنە بارىپ, تاعدىر تالكەگىنە ۇشىراعان جەتكىنشەكتەرگە جاڭا جىلدىق سىي-سياپات جاسالدى. كيىم-كەشەك, وقۋ قۇرالدارى ءتارىزدى زاتتاي كومەك كورسەتىلدى. جەكە ادامدارمەن قاتار, وبلىس ورتالىعىنداعى كەيبىر ءتۇيىندى ماسەلەلەردى شەشۋگە دە اتسالىسۋدامىز.
زاستانتسيوننىي كەنتىندەگى سۋ قۇبىرلارىن جوندەۋگە قارجىلاي كومەك كورسەتتىك. وسى كەنتتە تۇراتىن مارينا بەحتولد ەسىمدى زەينەتكەرگە ءۇش ميلليون تەڭگەگە باسپانا ساتىپ اپەردىك. سونداي-اق دينا مۇحامەدياروۆا ەسىمدى كوپ بالالى اناعا ءبىر ميلليون تەڭگەگە ۆاگون جانە 4 توننا كومىر جەتكىزىپ بەرىپ, انانىڭ اق العىسىنا يە بولدىق.
كوپ بالالى انالارعا قامقورلىق كورسەتۋ – ازاماتتىق پارىز. ويتكەنى ولار ەلىمىزدىڭ ەرتەڭگى بولاشاعىن باپتاۋ ۇستىندە. وقۋ ورنىندا ءبىلىم الىپ جاتقان ستۋدەنتتەر اراسىنداعى الەۋمەتتىك-تۇرمىستىق جاعدايى قيىندارى دا ەش ۋاقىتتا نازاردان تىس قالمايدى. ولاردىڭ دا قاتاردان كەم قالماي, جاڭا زاماننىڭ تالابىنا ساي ءبىلىم الىپ شىعۋىنا قامقورلىق جاساۋدامىز. وسىنداي ىزگى ىستەرگە ۇيىتقى بولىپ وتىرعان باستاۋىش ۇيىمنىڭ ءار ءىسى ستۋدەنتتەرىمىزگە ۇلگى-ونەگە. ونەگەلى جاستار ءورىسىن كەڭگە جاياتىنىنا سەنىمىمىز دە مول.
ساعىنتاي ەلۋباەۆ,
پارتيا ارداگەرى, اباي مىرزاحمەتوۆ اتىنداعى كوكشەتاۋ ۋنيۆەرسيتەتىنىڭ پرەزيدەنتى, ۇلتتىق عىلىم اكادەمياسىنىڭ اكادەميگى