شاعىن اۋىلدىڭ شىرايىن كىرگىزىپ جۇرگەن ازاماتتار تۋرالى قالاي ايتساق تا جاراسادى عوي. ەل ءۇشىن قام جەپ, جۇرەگى «اۋىلىم, تۋعان ولكەم» دەپ سوعاتىن, ءوزىنىڭ پەرزەنتتىك ماحابباتىن ەلىنە ارناعان ازاماتتار ءبىزدىڭ تالدىاپان اۋىلىندا دا كوپ.
سولاردىڭ ءبىرى – مەكتەپ جانىنان مۇراجاي اشۋعا ازاماتتارىمىز قۇمار نۇرعاليەۆ – 150 مىڭ تەڭگە, تاڭاتار مۋفتاحيەۆ – 200 مىڭ تەڭگە, قازتالوۆ اۋداندىق ءماسليحات دەپۋتاتى نۇرلىباي جولدىباەۆ 200 مىڭ تەڭگە كولەمىندە دەمەۋشىلىك تانىتسا, وسى مەكتەبىمىزدىڭ تاعى ءبىر تۇلەگى ءمارۋاش مۇقانقىزى 313 مىڭ تەڭگەنىڭ كيىمىن وقۋشىلارعا سىيعا تارتتى.
وسىنداي يگى ءىس اۋىلىمىزدا جالعاسىپ جاتىر. جىلدىڭ باسىندا مەكتەپ جانىندا اۋىل ازاماتتارىنىڭ كۇشىمەن مۇز ايدىن اشىلدى. دارحان اياباليەۆ پەن سامات سەيىتكەرەەۆتىڭ دەمەۋشىلىگىمەن اۋماعى 600 شارشى مەتر بولاتىن مۇز ايدىنى ادەمى قورشالدى. وسى ايدىننىڭ قۇرىلىسىنا اياباليەۆتەر وتباسى 1 ملن 200 مىڭ تەڭگە جۇمساپتى. بۇعان دەيىن دە اۋىلدا تاۋەلسىزدىك مونۋمەنتى مەن التىباقان الاڭىن تۇرعىزعان اتىمتاي جومارت جاندارعا اۋىلداستارىنىڭ العىسى شەكسىز.
اعا بۋىننىڭ وسىنداي قامقورلىعىن سەزىنگەن مەكتەپ شاكىرتتەرى دە ۇزدىك جەتىستىكتەرىمەن ءبىزدى, ۇستازدار قاۋىمىن ءجيى قۋانتىپ ءجۇر. 2004-2005 جىلى تۋعان ۇلدار اراسىنداعى كىشى فۋتبولدان «Coca-cola-بىلعارى دوپ» ءتۋرنيرىنىڭ ايماقتىق ىرىكتەۋ كەزەڭىندە تالدىاپان مەكتەبى اۋداندا ءىىى ورىن الىپ, 17 دوپ سوققان 9-سىنىپ وقۋشىسى دياس قاليوللين «ۇزدىك شابۋىلشى» اتاندى. كوكتەرەك اۋىلىندا كىشى فۋتبولدان 2008-2009 جىلعى ۇلدار اراسىندا وتكەن سايىستا تالدىاپاندىقتار ءى ورىن يەلەندى. جاقسى ويىن ورنەگىمەن كوزگە تۇسكەن 4-سىنىپ وقۋشىسى نۇرالەم جالمۇحانوۆ «ۇزدىك ويىنشى» اتاعىنا يە بولدى.
1947-1953 جىلدارى تالدىاپان مەكتەبىنىڭ مەڭگەرۋشىسى قىزمەتىن اتقارعان سۇلەيمەن ەسەتوۆتىڭ 100 جىلدىق مەرەيتويىنا وراي تالدىقۇدىق اۋىلىندا 2002-2003 جىلعى جاسوسپىرىمدەر اراسىندا وتكەن كىشى فۋتبول سايىسىندا تالدىاپان مەكتەبى جۇلدەلى ءى ورىندى قانجىعاعا بايلادى. 11-سىنىپ وقۋشىسى مەرلان جاستالاپوۆ – «ۇزدىك قورعاۋشى», 9-سىنىپ وقۋشىسى دياس قاليوللين «ۇزدىك ويىنشى» اتانىپ, ارنايى ديپلوممەن ماراپاتتالدى.
ال باسكەتبولدان جوعارى سىنىپ وقۋشىلارى اراسىندا وتكىزىلگەن «مەكتەپ ليگاسى» جارىستارىنىڭ وبلىستىق كەزەڭىندە جالپىكوماندالىق ەسەپتە قىزدار اراسىندا ءىى ورىن, ۇلدار اراسىندا ءىىى ورىن تالدىاپان ورتا جالپى ءبىلىم بەرەتىن مەكتەبىنىڭ وقۋشىلارىنا بۇيىردى. وسىنداي شاكىرت دايىنداعان دەنەشىنىقتىرۋ ءپانى مۇعالىمدەرى ر.كەنجەعاليەۆ, ا.كارگاپولتسەۆ, ب.جاپاروۆ سىندى ۇستازداردىڭ ەرەن ەڭبەگىنىڭ ناتيجەسى دەپ بىلەمىز.
اقەركە عۇبايدوللاقىزى,
تالدىاپان ورتا مەكتەبىنىڭ مۇعالىمى
باتىس قازاقستان وبلىسى, قازتالوۆ اۋدانى