ەرەجەسىز جەكپە-جەك الەمىندەگى ەڭ بەلدى ۇيىم – UFC-دە ەكىنشى كەزدەسۋىن وتكىزگەن ورىنبوردىڭ قازاعى دامير يسماعۇلوۆ بۇل جولى دا جەڭىسكە جەتتى.
قانداسىمىز چەحيانىڭ باس شاھارى – پراگادا يسپانيانىڭ وكىلى حوەل الۆارەسپەن كۇش سىناستى. بىردەن ايتا كەتەيىك, قارسىلاسى اككى سپورتشى. ول وسى كۇنگە دەيىن 16 كەزدەسۋ وتكىزىپ, 15 رەت باسىمدىق تانىتتى. سول جەڭىستەرىنىڭ بارلىعىن پيرەنەي تۇبەگىنىڭ تۇلەگى قارسىلاستارىن «قىلقىندىرۋ» ادىسىمەن ۇتقان ەدى.
پراگاداعى جەكپە-جەكتە دامير يسماعۇلوۆتىڭ ۇستەمدىگى ەش كۇمان تۋعىزعان جوق. ءۇش راۋندتىڭ قورىتىندىسى بويىنشا بارلىق تورەشىلەر قازاق جىگىتىنىڭ مىقتىلىعىن مويىندادى.
دامير ءۇشىن بۇل UFC-دەگى ەكىنشى جەڭىسى. بىلتىر ول اۆستراليانىڭ ادەلايدا قالاسىندا جەرگىلىكتى سپورتشى الەكس گورگيستى ۇپاي سانىمەن ۇتقان ەدى. ال ەرەجەسىز جەكپە-جەكتە قانداسىمىز بارلىعى 20 كەزدەسۋ وتكىزىپ, 18 رەت جەڭىسكە جەتىپ وتىر.
عالىم سۇلەيمەن,
«Egemen Qazaqstan»