مەملەكەت باسشىسى ن.نازارباەۆ كەزەكتى جولداۋىندا باعا ماسەلەسىن ءوزى باقالاۋعا الاتىنىن ايتقان بولاتىن: «بۇل ماڭىزدى ماسەلە. باعانىڭ وسۋىنە ەشقانداي دا جول بەرمەۋ كەرەك. اسىرەسە, قازاقستاندا ءوندىرىلىپ جاتقان ازىق-ت ۇلىك تاۋارلارىنا باعا وسپەۋى ءتيىس». وسىعان وراي, تۇركىستان وبلىسىنىڭ اكىمى جانسەيىت تۇيمەباەۆ اۋدان, قالا باسشىلارىنا بىرقاتار تاپسىرما بەرىپ, وڭىردەگى ازىق-ت ۇلىك باعاسى باقىلاۋعا الىنعان.
ماسەلەن, قازىرگى تاڭدا تۇلكىباس اۋدانىندا 6 الەۋمەتتىك دۇكەن جۇمىس ىستەيدى. ولار حالىق كوپ شوعىرلانعان تۇلكىباس, ساستوبە, بالىقتى, جاباعىلى, جاسكەشۋ جانە اۋدان ورتالىعى ت.رىسقۇلوۆ اۋىلدارىندا ورنالاسقان.
جالپى الەۋمەتتىك دۇكەندەر ىسكە قوسىلعانىنا ءبىر جىلدان استام ۋاقىت وتكەن. ماقساتى – حالىقتىڭ از قامتاماسىز ەتىلگەن توپتارىنا ازىق-ت ۇلىكتى نارىقتاعى باعادان 15-20 پايىزعا ارزانداتىپ ساتۋ. الەۋمەتتىك دۇكەندەرگە اۋىلدىق وكرۋگ اكىمدىكتەرى ەلدىمەكەندەردەگى از قامتاماسىز ەتىلگەن جانۇيالاردىڭ ءتىزىمىن وتكىزىپ, سول تىزىمدەگى ازاماتتار جەكە كۋالىگىمەن ازىق-ت ۇلىكتى ارزانداتىلعان باعامەن الا الادى.
بۇگىنگى تاڭدا ونىمدەردى جەتكىزەتىن كاسىپكەرلەرگە قولايلى جاعداي جاسالىپ وتىر. سونداي-اق, ءوز ونىمدەرىن نارىق باعاسىنان تومەن ساتىلۋى قاداعالانۋدا.