بۇگىن اتموسفەرالىق اعىنداردىڭ وتۋىنە بايلانىستى رەسپۋبليكانىڭ باتىسى مەن سولتۇستىك-باتىسىندا اۋا رايى قۇبىلمالى بولادى. بۇل تۋرالى «قازگيدرومەت» رمك حابارلادى.
كاسىپورىن تاراتقان مالىمەتتەرگە قاراعاندا, بۇگىن رەسپۋبليكانىڭ بىرقاتار ايماقتارىندا جاۋىن-شاشىن بولادى. كەي جەرلەردە تۇمان ءتۇسىپ, كوكتايعاق, بۇرقاسىن بولادى, جەل دە كۇشەيۋى مۇمكىن.
سولتۇستىك قازاقستان وبلىسىندا جەل سەكۋندىنا 15-20 مەتر جىلدامدىقپەن ۇيتقيدى, ەكپىنى 23 م/س-كە جەتۋى ىقتيمال. كۇندىز كەي جەرلەردە جاياۋ بۇرقاسىن كۇتىلەدى.
الماتى وبلىسىنىڭ كەي جەرلەرىندە تۇمان ءتۇسۋى مۇمكىن, جالاڭاشكول اۋدانىندا جەلدىڭ جىلدامدىعى سەۋكندىنا 18-23 مەترگە جەتەدى.
شىعىس قازاقستان وبلىسىندا تۇندە كەي جەرلەردە تۇمان ءتۇسىپ, كۇندىز جارما اۋدانىندا جەل 15-20 م/س جىلدامدىقپەن ەسەدى.
پاۆلودار, جامبىل وبلىستارىنىڭ كەي جەرلەرىندە تۇمان ءتۇسىپ, جەلدىڭ جىلدامدىعى 15-20 م/س-كە جەتەدى دەگەن بولجام بار.
قاراعاندى, تۇركىستان, قىزىلوردا, ماڭعىستاۋ, اقتوبە وبلىستارىنىڭ كەي جەرلەرىندە تۇمان تۇسەدى.
باتىس قازاقستان, اتىراۋ وبلىستارىنىڭ بىرقاتار اۋماقتارىندا تۇمان ءتۇسىپ, كوكتايعاق بولۋى ىقتيمال.
قوستاناي وبلىسىنىڭ كەي جەرلەرىندە جاياۋ بۇرقاسىن بولىپ, جەل 15-20 م/س-كە دەيىن كۇشەيەدى. تۇمان, كوكتايعاق بولادى.
اقمولا وبلىسىنىڭ كەي جەرلەرىندە جەل 15-20 م/س-كە جەتەدى, جاياۋ بۇرقاسىن بولادى.