جيىندا اسكەرگە شاقىرۋ مەديتسينالىق كوميسسيالارىنا قويىلاتىن تالاپتارعا قاتىستى ماسەلەلەر تالقىعا سالىندى. بۇل تۋرالى ەلوردا اكىمدىگىنىڭ رەسمي سايتى حابارلادى.
قالالىق قورعانىس ىستەرى دەپارتامەنتىنىڭ بازاسىندا باس اسكەري مەديتسينالىق باسقارماسى ورتالىق اسكەري-دارىگەرلىك كوميسسياسىنىڭ مەدساراپشىلارى الماتى جانە سارىارقا اۋداندارى مەديتسينالىق كوميسسيالارى قۇرامىنىڭ دارىگەر-ماماندارى ءۇشىن ساباق وتكىزدى.
شارا بارىسىندا اسكەرگە شاقىرۋ مەديتسينالىق كوميسسيالارىنا قويىلاتىن تالاپتارعا, 2018 جىلعى مەديتسينالىق كۋالاندىرۋدى تالداۋعا, مەديتسينالىق كۋالاندىرۋدى وتكىزۋ كەزىندە تۋىندايتىن پروبلەمالى ماسەلەلەرگە قاتىستى سۇراقتار ورتاعا سالىندى.
جيىن سوڭىندا قۇجاتتارعا وزگەرىستەر مەن تولىقتىرۋلار ەنگىزۋ جونىندەگى ۇسىنىستاردى, مەديتسينالىق كۋالاندىرۋعا قاتىستى بىرقاتار ماسەلەنى شەشۋ جونىندەگى ۇسىنىستاردى ءتيىستى ورگاندارعا جولداۋ قاجەتتىگى پىسىقتالدى.