تۇركىستان وبلىسى سايرام اۋدانىندا 8 تۋريستىك نىسان ورنالاسقان. ونىڭ 6-ى قوناق ءۇي, «مانكەنت» شيپاجايى جانە جەكەمەنشىكتەگى ەمدىك ساۋىقتىرۋ ورتالىعى. سونداي-اق, اۋداندا «سيقىم بابا» كەسەنەسى مەن «جانىس بابا» ماۆزولەيى بار. بۇل تۇركىستان وبلىسى اكىمىنىڭ ءباسپاسوز قىزمەتى حابارلادى.
«سايرامداعى تۋريزم ەكى باعىتتا داميتىن بولادى. ءتۋريزمدى الەمدەگى ەڭ تابىستى بيزنەستىڭ ءبىرى دەۋگە بولادى. ونىڭ ماڭىزدىلىعى جىل ساناپ ارتىپ كەلەدى. اتالعان سالا كوپ ەلدەردە جالپى ىشكى ءونىمنىڭ قالىپتاسۋىنا, قوسىمشا جۇمىس ورنىن قۇرۋعا, سونداي-اق سىرتقى ساۋدانىڭ بەلسەندىلىگىنە ىقپال ەتەدى. جالپى, تۋريزم سالاسى باسقا دا سالالاردىڭ دامۋىنا مول مۇمكىندىك بەرەدى. ماسەلەن, تۋريستىك اگەنتتىكتەر, مەيرامحانالار, ساناتوريلەر, تاماقتانۋ ورىندارى, كولىك بايلانىسىن ايتۋعا بولادى», – دەيدى سايرام اۋدانى اكىمىنىڭ ءباسپاسوز حاتشىسى داۋرەن دۇيسەبەكوۆ.
تۇركىستان وبلىسىنىڭ جانە شىمكەنت قالاسىنىڭ جۇرتشىلىعى سايرام اۋدانىنداعى اقسۋ وزەنىنىڭ بويىنان ورىن تەپكەن جازعى دەمالىس ورىندارىنا ءجيى كەلەتىنى راس. قازىرگى تاڭدا ونداي ورىنداردىڭ 14-ءى ماۋسىمدىق ۇلگىدە جۇمىس ىستەپ كەلەدى.
اۋداندا تۋريستىك مارشرۋت دايىندالعان. اتالعان مارشرۋتقا «مانكەنت» شيپاجايى, «سىقىم بابا» جانە «جانىس بابا» كەسەنەلەرى ەنگىزىلىپ وتىر. تۋريستىك مارشرۋتتاردىڭ بويىندا ينفراقۇرىلىمدى جەتىلدىرۋ ماقساتىندا سايرام اۋدانى بويىنشا «باتىس ەۋروپا – باتىس قىتاي» حالىقارالىق كولىك ءدالىزى بويىندا 11 قىزمەت كورسەتۋ نىسانى ورنالاسىپ, قىزمەت كورسەتۋدە.
اعىمداعى جىلى تۋريزم سالاسىن ەكى باعىتتا دامىتۋ جوسپارلانىپ وتىر. ءبىرىنشىسى – ساۋىقتىرۋ ءتۋريزمى. اۋدان شىمكەنت قالاسىنا جاقىن ورنالاسقاندىقتان جانە «باتىس ەۋروپا – باتىس قىتاي» حالىقارالىق كولىك ءدالىزى اۋدان ورتالىعىنا جاقىن بولۋىنا بايلانىستى, ەمدىك-ساۋىقتىرۋ ءتۋريزمى جاقسى دامىپ وتىر. وسى جىلى اقسۋ اۋىلدىق وكرۋگىنە قاراستى «اقسۋكەنت 2» اۋىلىندا 3 قاباتتى وڭالتۋ, ساۋىقتىرۋ ورتالىعىن ىسكە قوسۋ جوسپارلانعان. جوبانىڭ قۇنى – 500 ملن.تەڭگە.
ەكىنشىسى – مادەني تاريحي ەسكەرتكىشتەر. حالىق اراسىندا «سايرامدا بار سانسىز باب, وتىراردا وتىز باب, تۇركىستاندا تۇمەن باب, بابتاردىڭ بابى ارىستان باب, ەڭ ۇلكەنى حالەن باب» دەگەن ءتامسىل كەڭ تاراعان. وسىعان وراي, 2017 جىلى تۋريستىك مارشرۋت دايىندالىپ, وعان جوعارىدا اتالعان ءۇش نىسان ەنگىزىلگەن. وسى باعىتقا قارامۇرت اۋىل وكرۋگىندە ورنالاسقان, قىتاي تاريحناماسىندا «ساداعى مەن سەمسەرى» قولىنان تۇسپەگەن قاھارمان قولباسشى بولعان «حالەن باپ» جانە كولكەنت اۋىلىندا ورنالاسقان قازاق حانى ابىلايحاننىڭ بەكىنىسى بولعان «حانقورعان توبەسىن» تۋريستىك مارشرۋت تىزىمىنە ەنگىزىپ, ولاردى جان-جاقتى دامىتۋ, ناسيحاتتاۋ جۇمىستارى جۇرگىزىلىپ جاتىر.