شاكارىم ۋنيۆەرسيتەتىندە «ەگەمەن قازاقستان» گازەتىنىڭ 100 جىلدىعىنا وراي «World of Egemen Kazakhstan» اقپاراتتىق-ينتەللەكتۋالدى ونلاين-سمارت بۇرىشى اشىلدى. ونلاين سمارت بۇرىشىنىڭ تۇساۋكەسەرىنە گازەتتىڭ باسقارما توراعاسى دارحان قىدىرالى قاتىستى.
سمارت بۇرىش «ەگەمەن قازاقستان» گازەتىن ونلاين جانە قاعاز تۇرىندە وقۋعا مۇمكىندىك بەرىپ, جاستاردىڭ ەلىمىزدەگى جانە الىس-جاقىن شەت ەلدەردەگى اقپارات اعىنىنان xاباردار بولۋعا مۇمكىندىك بەرەدى.
سونىمەن قاتار بۇل – قالا جاستارى ءۇشىن تەك اقپارات الۋ بۇرىشى عانا ەمەس, سمارت TV جانە ەكران ارقىلى سوڭعى يننوۆاتسيالىق وقىتۋ تەحنولوگيالارىمەن تۇسىرىلگەن ۆيدەو دارىستەردى تىڭداۋ ورنى.
ەندى وسىنداعى شاكارىم اتىنداعى مەملەكەتتىك ۋنيۆەرسيتەتتە رەسپۋبليكالىق «ەگەمەن قازاقستان» گازەتىنىڭ تاريحى زەرتتەلىپ, ستۋدەنتتەرىنە تەرەڭ باعدارلى جۇمىستار جۇكتەلمەك.
ۋنيۆەرسيتەت رەكتورى مەيىر ەسكەندىروۆتىڭ ايتۋىنشا, وقۋ ورنى سەمەي قالاسىنىڭ ءار اۋدانىندا ورنالاسقان ۋنيۆەرسيتەت فيليالدارىنا وسىنداي سمارت بۇرىش ورناتپاق. سول ارقىلى حالىقتىڭ «ەگەمەن قازاقستان» گازەتىنە دەگەن حالىقتىڭ قىزىعۋشىلىعىن تۋدىرۋدى كوزدەپ وتىر.
ءوز كەزەگىندە د.قىدىرالى «ەگەمەن قازاقستان» تاراپى دا شاكارىم ۋنيۆەرسيتەتىنىڭ تىنىس-تىرشىلىگى جونىندە ءجيى جاريالايتىنىن ايتىپ, تىعىز بايلانىس ورناتۋدى ءجون سانايتىندىعىن جەتكىزدى. حالىقارالىق «اكمە» كلۋبى اياسىندا وتكەن كەزدەسۋ سوڭىندا «ەگەمەن قازاقستان» گازەتىنىڭ باسقارما توراعاسى دارحان قىدىرالىگە «قۇرمەتتى پروفەسسور» اتاعى بەرىلىپ, «شاكارىم» مەدالى تابىستالدى.
راۋشان نۇعمانبەكوۆا,
«ەگەمەن قازاقستان»
سەمەي