بىرلەسكەن قازاقستان-ءۇندى جوبالارىنىڭ اراسىندا ەلىمىزدە اۆياتسيالىق حاب قۇرۋ, ماشينا جاساۋ, مۇناي وڭدەۋ جانە حيميا ونەركاسىبى سالالارىنداعى ىنتىماقتاستىق سىندى ماڭىزدى دۇنيەلەر بار. بۇل تۋرالى Energy Prom حابارلادى.
وتكەن جىلدىڭ قورىتىندىسى بويىنشا ۇندىستانمەن تاۋار اينالىمى 1,2 ملرد دوللاردى قۇرادى. سونداي-اق يمپورت 14%-عا وسكەن.
ۇلتتىق ەكونوميكا ءمينيسترى تيمۋر سۇلەيمەنوۆ قازاقستان ۇندىستانمەن, سونداي-اق ەگيپەتپەن, يزرايلمەن, سەربيامەن جانە سينگاپۋرمەن ەركىن ساۋدا ايماعى تۋرالى كەلىسسوزدەر جۇرگىزەتىنىن حابارلادى. ەستەرىڭىزگە سالا كەتەيىك, 2015 جىلى قازاقستان ۆەتناممەن, ال 2018 جىلى يرانمەن ەركىن ساۋدا ايماعى تۋرالى كەلىسىمگە قول قويعان بولاتىن.
ءوز كەزەگىندە, ەنەرگەتيكا ءمينيسترى قانات بوزىمباەۆ قازاقستاندىق دەلەگاتسيانىڭ ۇندىستانعا ساپارى ناتيجەسىندە, Petrotech-2019 حالىقارالىق كونفەرەنتسياسىنا قاتىسۋ جانە ساۋدا-ەكونوميكالىق جانە ينۆەستيتسيالىق ىنتىماقتاستىقتى ودان ءارى كەڭەيتۋ جانە تەرەڭدەتۋ ماسەلەلەرىن تالقىلاۋ قورىتىندىسى بويىنشا ءۇندىستان قازاقستان اۋماعىندا كارگو-تاسىمالداۋ ءۇشىن اۆياتسيالىق حاب قۇرۋ مۇمكىندىگىن قاراستىراتىنىن حابارلادى.
سونىمەن قاتار, ONGC ءۇندى كومپانياسى قازاقستاننىڭ ءىرى مۇناي ءوندىرۋ كاسىپورنىن ساتىپ الۋعا مۇددەلى. سونداي-اق قازاقستاندا ماشينا قۇراستىرۋدى باستاعىسى كەلەتىن كومپانيالارمەن كەلىسسوزدەر جۇرگىزىلۋدە. ال حيميا ونەركاسىبى سەكتورىندا ءۇندى ينۆەستورلارى ازوت تىڭايتقىشتارىن وندىرۋگە قىزىعۋشىلىق تانىتىپ وتىر.
وتكەن جىلى قازاقستاننىڭ ۇندىستانعا ەكسپورتى 30,1%-عا ارتىپ, 954,1 ملن دوللاردى قۇرادى.
نەگىزگى ەكسپورتتالاتىن تاۋار – مۇناي (741,6 ملن اقش دوللارى), حيميالىق راديواكتيۆتى ەلەمەنتتەر جانە ولاردىڭ قوسىلىستارى (90,3 ملن اقش دوللارى) جانە ۇنتاق تۇرىندەگى كۇمىس (67,6 ملن اقش دوللارى).
ءۇندىستاننان كەلگەن يمپورت وتكەن جىلدىڭ قورىتىندىسى بويىنشا 14,2%-عا ارتىپ, 242,8 ملن اقش دوللارىن قۇرادى.
نەگىزگى يمپورتتالاتىن تاۋار – دارىلىك زاتتار (66,6 ملن, جىلىنا 13%), ءدامدى, حوش ءيىستى قوسپالارى بار شاي (32,6 ملن اقش دوللارى) جانە تەلەفون اپپاراتتارى (11,1 ملن اقش دوللارىن قۇراپ, ء بىر جىلدا 64,4 ەسە ءوستى).
5 جىل ىشىندە (IV توقسان 2013 — III توقسان 2018) قازاقستان ەكونوميكاسىنا ء ۇندىستان 100 ملن اقش دوللارى كولەمىندە ينۆەستيتسيا سالدى. ءۇندى ينۆەستيتسيالارىنىڭ نەگىزگى سالالارى – ەنەرگەتيكا, قارجى جانە فارماتسەۆتيكا.
بيىل قازاقستاندا ءۇندى كاپيتالىنىڭ قاتىسۋىمەن 560-قا جۋىق زاڭدى تۇلعالار مەن فيليالدار تىركەلگەن. سوڭعى جىلدارى ءبىزدىڭ ەلىمىزدە SB PNB, Siva Swathi Textiles, Sava Health Care جانە ت. ب. سياقتى كومپانيالار تابىستى جۇمىس ىستەۋدە.