ستاتيستيكالىق مالىمەتتەردىڭ ەسەبى بويىنشا, 2043 جىلدان باستاپ زەينەتكەرلىككە شىعۋ ءۇشىن قاعاز ەڭبەك كىتاپشاسىنان باس تارتۋ مۇمكىندىگى بار. زەينەتكەرلىكتى راسىمدەۋ بجزق مالىمەتتەرى بويىنشا جۇرگىزىلەدى.
وعان دەيىن 1998 جىلعا دەيىنگى ەڭبەك ءوتىلى بار ادامدار زەينەتكەرلىككە شىعادى. وسىلايشا, ەڭبەك كىتاپشاسىندا كورسەتىلگەن ەڭبەك ءوتىلى اقشالاي زەينەتاقى اۋدارىمدارىمەن شامالاسادى. مۇنىمەن بىرگە, ەڭبەك جانە حالىقتى الەۋمەتتىك قورعاۋ مينيسترلىگى ەلەكتروندى ەڭبەك كىتاپشاسىن جانە ەلەكتروندى ەڭبەك كەلىسىم-شارتتارىن ەنگىزۋ پيلوتتى جوباسىن جۇزەگە اسىرۋدا. بۇگىنگى كۇنى بىرىڭعاي ەلەكتروندى جۇيەگە 400 مىڭ ەڭبەك كەلىسىم-شارتى تىركەلدى. بارلىق قاجەتتى تالاپتاردى ساقتاعان جاعدايدا, ەندىگى زاڭمەن نەگىزگى كادرلىق قۇجاتتاردى ەلەكتروندى تۇردە جۇرگىزۋگە, ونىڭ قاعاز ءتۇرىن جاساماۋعا مۇمكىندىك بەرىپ وتىر.
ە-HR جۇيەسىنە تىركەلگەن جۇمىس بەرۋشىلەر, وعان ءوز قىزمەتكەرلەرىن تىركەيدى, سونداي-اق جۇمىسشىسىنىڭ وسى ۇيىمدا جۇمىس ىستەگەنگە دەيىنگى ەڭبەك ءوتىلى جايىندا اقپاراتتى ەنگىزەدى.
ۆيتسە-مينيستر اتاپ وتكەندەي, ەڭبەك كىتاپشاسىندا كورسەتىلگەن 1998 جىلعا دەيىنگى ەڭبەك ءوتىلى, بجزق اۋدارىمدارىمەن جانە جۇمىس بەرۋشىنىڭ بسن –مەن سالىستىرىلادى.
«بۇل جاڭاشىلدىقتى تاياۋ جىلدارى ەنگىزگىمىز كەلىپ وتىر, سەبەبى 2020 جىلعا دەيىن زەينەتاقىنى اۆتوماتتى تۇردە تاعايىنداعاندى ءجون كورىپ وتىرمىز. ەگەر جۇمىس بەرۋشىلەر ءبىزدى قولداسا, ءتىپتى جاقسى بولار ەدى», - دەدى ناريمان مۇقىشەۆ.