الماتى اكىمى باۋىرجان بايبەك گەرمانيا فەدەراتيۆتىك رەسپۋبليكاسى جانە گرەك رەسپۋبليكاسى ەلشىلەرىمەن ەكىجاقتى كەزدەسۋلەر وتكىزدى. تاراپتار ساۋدا-ەكونوميكالىق جانە مادەني-گۋمانيتارلىق بايلانىستاردى نىعايتۋ, بولاشاقتا ءتۋريزمدى دامىتۋ, يننوۆاتسيا سالاسىندا تاجىريبە الماسۋ ماسەلەلەرىن تالقىلادى. بۇل تۋرالى الماتى اكىمدىگىنىڭ ءباسپاسوز قىزمەتى حابارلادى.
الەمدىك ەكونوميكاداعى داعدارىسقا قارماستان گفر مەن الماتى اراسىنداعى تاۋار اينالىمى وتكەن جىلدىڭ 9 ايى ىشىندە بۇرناعى جىلدىڭ وسى كەزەڭىمەن سالىستىرعاندا 45%-عا ءوستى. قالادا گەرماندىق كاپيتالمەن 254 كومپانيا جۇمىس ىستەيدى.
ەلەكترواۆتوبۋستاردىڭ ءۇشىنشى بۋىنىن شىعاراتىن قازاقستاندىق-گەرماندىق-گونكونگتىك «Falcon Eurabus» زاۋىتى ءوزارا ىنتىماقتاستىقتىڭ جەمىسى بولىپ تابىلادى ءارى ونىڭ وڭىردە العاشقى 300 ورىندى اۆتوپاركى بار.
گفر ەلشىسى تيلو كليننەر جىل سايىن وتەتىن «قازاقستانداعى گەرمان ەكونوميكاسىنىڭ كۇندەرى» بيزنەس-فورۋمىنىڭ ىسكەرلىك بايلانىستى نىعايتۋعا وڭ ىقپال ەتەتىنىن ەرەكشە اتادى. قازاقستان-نەمىس ۋنيۆەرسيتەتىنىڭ, DAAD اكادەميالىق الماسۋ جونىندەگى نەمىس قىزمەتىنىڭ جانە تمد ەلدەرىندەگى جالعىز نەمىس دراما تەاترىنىڭ ارقاسىندا مادەني جانە ءبىلىمي تاجىريبە الماسۋ دامۋدا.
ءوز كەزەگىندە قازاقستانداعى گرەتسيانىڭ ەلشىلىك ميسسياسىنىڭ باسشىسى الەكساندروس كاترانيس الماتى ءوڭىر ءۇشىن بارىنشا تارتىمدى تۋريستىك دەستيناتسيا ەكەنىن ايتتى. قالالاردى تەحنولوگيالىق جاعىنان دامىتۋ ءۇشىن ءوزارا تاجىريبە الماسۋ بولاشاقتاعى ماڭىزدى ءىس بولاتىنى اتاپ ءوتىلدى.