الماتىنىڭ جاسىل ەكونوميكا باسقارماسىنىڭ باسشىسى بولىپ ەرجان سەيتەنوۆ تاعايىندالدى. بۇعان دەيىن ول مەگاپوليستىڭ جەردى پايدالانۋدى باقىلاۋ جانە قورعاۋ باسقارماسىنىڭ باسشىسى بولعان.
باسقارمانىڭ جاڭا باسشىسىنىڭ الدىنا قويىلعان باستى مىندەتتەردىڭ ءبىرى - قالانى قورشاعان ورتانى جاقسارتۋ, ەكونوميكانىڭ ءتۇرلى سەكتورلارىنا ءتيىمدى «جاسىل» جوبالاردى ەنگىزۋ, سۋ رەسۋرستارىن, جاسىل قوردى ساقتاۋ جانە ۇلعايتۋ ارقىلى قالانىڭ ەكوجۇيەسىنىڭ انتروپوگەندى جۇكتەمەسىن ازايتۋ جانە باسقالارى.
قالا اكىمى جۇمىستى قالدىقتاردى جيناۋدى جەتىلدىرۋدەن, ۋتيليزاتسيالاۋدان, قايتا وڭدەۋدەن, جاسىل ەكونوميكا پرينتسيپتەرىن ەسكەرە وتىرىپ, تابيعاتتى قورعاۋ شارالارىن بارىنشا ءتيىمدى جوسپارلاۋدان, حالىقارالىق وزىق تاجىيبەنى پايدالانۋدان, زالالداندىرۋدىڭ بارلىق وشاقتارىن انىقتاۋدان باستاۋدى, ءمۇنداى big dataنى ءتيىمدى قولدانۋدى اتاپ ءوتتى. بۇلاردان وزگە, قورشاعان ورتاعا كەرى اسەرىن تيگىزەتىن ءوندىرىس ورىندارىنا قالا سىرتىنا شىعارۋ قاجەت.
ايتا كەتەرلىگى, بۇرىندارى الماتى اكىمدىگىندە ترانسفورماتسيا بولعان ەدى. قازىرگى كەزدە بارلىق باسقارمالار مەن اۋداندىق اكىمدىكتەردىڭ جۇمىستارى قايتا قۇرىلۋدا, وڭتايلاندىرۋ پروتسەسستەرى جۇرۋدە, تسيفرلى تەحنولوگيا مەن كورپوراتيۆتى باسقارۋ ەنگىزىلۋدە, مەملەكەتتىك قىزمەتتىڭ ساپاسى ارتۋدا. التى باسقارما قىسقارىپ, ولاردىڭ فۋنكتسيالارى باسقا قۇرىلىمدارعا بەرىلدى. بۇل باسقارۋ جانە قوسىمشا لاۋزىمداردى جويىپ, بوساعان بىرلىكتەردى حالىقپەن ەتەنە جۇمىس ىستەيتىن باسقارمالارعا بەرىلىپ, ولاردىڭ قۇرامى كۇشەيتىلدى.