سەنبى, 16 ماۋسىم 2012 7:05
مەكتەپ قابىرعاسىندا ءجۇرىپ-اق «بولاشاق» باعدارلاماسى بويىنشا شەتەلدە ءبىلىم الۋدى ارماندايتىنمىن. بىراق وقۋعا تۇسە الامىن با, جوق پا دەگەن ەكىۇداي ءپىكىردە بولدىم. ەمتيحانداردى ويداعىداي تاپسىرىپ, قازاق مەملەكەتتىك مەديتسينا ۋنيۆەرسيتەتىنە وقۋعا تۇسكەننەن كەيىن «بولاشاقتى» باعىندىرۋدى شىنداپ ويلانا باستادىم. Əرينە, سىناقتان «ءسۇرىنبەي» ءوتۋ وڭاي ەمەس. بۇل جولدا ماعان دا ءبىراز «تەرلەۋگە» تۋرا كەلدى. «قۇلاساڭ ناردان قۇلا» دەگەندەي, مەن دە بىردەن دەنساۋلىق ساقتاۋ سالاسىنداعى بەدەلدى وقۋ ورنىنا «ەن تاقتىم». ايىم وڭىمنان تۋىپ, ەڭبەگىم ەش كەتپەدى. ا.ن.باكۋلەۆ اتىنداعى ءجۇرەك-قانتامىر حيرۋرگياسى عىلىمي ورتالىعىندا ءبىلىم الدىم.
سەنبى, 16 ماۋسىم 2012 7:05
مەكتەپ قابىرعاسىندا ءجۇرىپ-اق «بولاشاق» باعدارلاماسى بويىنشا شەتەلدە ءبىلىم الۋدى ارماندايتىنمىن. بىراق وقۋعا تۇسە الامىن با, جوق پا دەگەن ەكىۇداي ءپىكىردە بولدىم. ەمتيحانداردى ويداعىداي تاپسىرىپ, قازاق مەملەكەتتىك مەديتسينا ۋنيۆەرسيتەتىنە وقۋعا تۇسكەننەن كەيىن «بولاشاقتى» باعىندىرۋدى شىنداپ ويلانا باستادىم. Əرينە, سىناقتان «ءسۇرىنبەي» ءوتۋ وڭاي ەمەس. بۇل جولدا ماعان دا ءبىراز «تەرلەۋگە» تۋرا كەلدى. «قۇلاساڭ ناردان قۇلا» دەگەندەي, مەن دە بىردەن دەنساۋلىق ساقتاۋ سالاسىنداعى بەدەلدى وقۋ ورنىنا «ەن تاقتىم». ايىم وڭىمنان تۋىپ, ەڭبەگىم ەش كەتپەدى. ا.ن.باكۋلەۆ اتىنداعى ءجۇرەك-قانتامىر حيرۋرگياسى عىلىمي ورتالىعىندا ءبىلىم الدىم.
بۇگىنگى تاڭدا مەن قازاقستان عانا ەمەس, بۇكىل ورتالىق ازياداعى ماڭدايالدى ەمدەۋ مەكەمەسىنىڭ بىرىنە اينالعان «ۇلتتىق عىلىمي كارديوحيرۋرگيا ورتالىعى» اق-دا قىزمەت اتقارامىن. ورتالىقتىڭ نەگىزگى قىزمەتى يننوۆاتسيالىق مەديتسينالىق تەحنولوگيالاردى قولدانا وتىرىپ, جوعارى مامانداندىرىلعان كارديولوگيالىق جانە كارديوحيرۋرگيالىق كومەك كورسەتۋگە باعىتتالعان, سونىمەن قاتار كارديوحيرۋرگيا, ينتەرۆەنتسيالىق كارديولوگيا سالالارىندا ناۋقاستارعا امبۋلاتوريالىق تەكسەرۋدەن باستاپ, جوعارى مامانداندىرىلعان كومەك كورسەتۋگە, كەشەندى وڭالتۋعا دەيىن عىلىمي-اعارتۋ جۇمىسىمەن دە اينالىسادى. بۇعان قوسا, ورتالىق رەسپۋبليكانىڭ ايماقتىق كارديولوگيالىق جانە كارديوحيرۋرگيالىق ورتالىقتارى مەن ءبولىمدەرىنە ادىستەمەلىك-ۇيىمداستىرۋ جانە كەڭەس بەرۋ كومەكتەرىن كورسەتەدى. اشىلعانىنا ءبىر جىل ەندى تولعانىنا قاراماستان, ورتالىعىمىزعا شەتەلدەردەن كەلىپ, ەم الىپ جاتقان ازاماتتار بارشىلىق, ولاردىڭ سانى بولاشاقتا ارتا بەرەرىنە سەنىمىم مول.
كارديوحيرۋرگيالىق ورتالىق بازاسىندا 2011-2014 جىلدار ارالىعىندا قازىرگى زامانعى دياگنوستيكالىق زەرتتەۋلەردى قولدانىپ تۋابىتكەن جانە كەيىن پايدا بولعان سىرقاتتاردى حيرۋرگيالىق ەمدەۋ بويىنشا 20-عا جۋىق يننوۆاتسيالىق مەديتسينالىق تەحنولوگيالاردى ەنگىزۋ جوسپارلانعان. ۇلتتىق عىلىمي كارديوحيرۋرگيالىق ورتالىعىندا جىلىنا ورتا ەسەپپەن 2 000 وپەراتسيا جاساۋ كوزدەلىپ وتىر.
«ارمانسىز ادام – قاناتسىز قۇسپەن تەڭ» دەمەكشى مەنىڭ دە بالا ارمانىم ورىندالعانى حاق.
دارحان سۇيگەنباەۆ,
دارىگەر-كارديوحيرۋرگ.