قىزىلوردالىق جاستار قىستىڭ قىتىمىر ايازىندا قوعامدىق ورىندار مەن بازارلاردا ءوزىن-ءوزى جۇمىسپەن قامتىعان ەكى جۇزگە جۋىق ادامدى تەگىن تاماقتاندىردى دەپ حابارلايدى «Egemen.Kz» ءتىلشىسى.
ساۋاپتى ءىستى قمدب-نىڭ قىزىلوردا وبلىسى بويىنشا وكىلدىگىنە قاراستى "جاستار ءىسى" سەكتورى مەن قالالىق «سۇلتان» مەشىتىنىڭ وكىلدەرى ۇيىمداستىرعان. جاستاردىڭ بۇل باستامالارىن وبلىستىق «جاستار رەسۋرستىق ورتالىعى» مەن قالا كاسىپكەرلەرى دە قولدادى.
«قمدب-نىڭ قىزىلوردا وبلىسى بويىنشا وكىلى "اقمەشىت-سىرداريا" مەشىتىنىڭ باس يمامى بولاتبەك قاجى ءابۋوۆ باستاعان جاستار بۇگىن يگى ءىس جاسادى. بۇل شارا وتكەن جىلى دا مەشىت قىزمەتكەرلەرى ۇيىمداستىرعان. بيىل سول شارا جالعاسىن تاپتى. بىراق بۇل جولى كومەك الۋشىلاردىڭ قاتارى كوبەيدى. اتالعان قايىرىمدىلىق شاراسىنىڭ ماقساتى حالىقتىڭ جۇرەگىنە جىلۋلىق سىيلاۋ. جاستاردى جاقسىلىق جاساۋعا باۋلۋ», -دەيدى "جاستار ءىسى" سەكتورىنىڭ ۇيلەستىرۋشىسى سەرىك ءابىل.
قالا جاستارى بۇگىندە بىرەۋلەر كوپ ايتاتىنداي حايپ ءۇشىن جاساعان جوق. از دا بولسا قامكوڭىل جاندارعا سەپتىگى تيگەندەرىنە قۋانۋلى. قازاق ەجەلدەن مەيىربان, قوناقجاي حالىق. بۇگىنگى جاستار اتا-بابا داستۇرىنە لايىقتىعىن وسىلاي دالەلدەپ كەلەدى.
باقتيار تايجان,
«Egemen Qazaqstan»
قىزىلوردا وبلىسى