مەملەكەتتىك ساتىپ الۋ ماسەلەسىنە قاتىستى دەپۋتاتتىق ساۋالعا جاۋاپ بەرىلدى

«وتكەن جىلدىڭ جەلتوقسانىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە كۆازيمەملەكەتتىك سەكتور سۋبەكتىلەرىن مەملەكەتتىك ساتىپ الۋ جانە ساتىپ الۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭى (بۇدان ءارى – زاڭ) 2019 جىلعى 1 قاڭتاردان باستاپ قابىلداندى جانە قولدانىسقا ەنگىزىلدى. ءبىرىنشى كەزەكتە, بۇل زاڭ ء«بىر كۇندىك كومپانيالاردىڭ» ساتىپ الۋلارىنا قاتىسۋعا جول بەرمەۋگە جانە دەمپينگتىك باعا جانە جەتكىزۋشىلەردىڭ قارجىلىق جاعدايىنا نەگىزدەلگەن ساپالىق ولشەمدەردى ەنگىزۋ سياقتى وزەكتى ماسەلەلەردى شەشۋگە باعىتتالعان», دەلىنگەن ب.ساعىنتاەۆتان كەلگەن حابارلامادا.

سونداي-اق حابارلامادا اتالعان ماسەلەلەردى شەشۋ ءۇشىن باعانى تومەندەتۋ قاجەت ەكەنى ايتىلعان. بەلگىلەنگەن شەكتى باعالار مىناداي:

- قۇرىلىس-مونتاجداۋ جۇمىستارى بويىنشا شەگى 10% مولشەرىندە بەلگىلەنگەن;

- تەن, جسق جوبالاۋ بويىنشا – 15 %;  

- تەحنيكالىق قاداعالاۋ قىزمەتتەرى بويىنشا – 15 %.

بۇل رەتتە قۇرىلىس جوبالارىنا ۆەدومستۆودان تىس كەشەندى ساراپتاما جۇمىستارى بويىنشا باعانى تومەندەتۋگە جول بەرىلمەيدى. 2016 جىلعا دەيىن دەمپينگتىك باعا بەرۋگە تىيىم سالۋ قولدانىلعان كەزەڭدە جەڭىمپازدى انىقتاۋ مىناداي تۇردە جۇزەگە اسىرىلدى:

1) ءبىرىنشى كەزەڭدە جەڭىمپاز ەڭ تومەن كونكۋرستىق باعا ۇسىنىسىنىڭ نەگىزىندە تانىلدى;

2) ەكىنشى كەزەڭدە كونكۋرستىق باعا ۇسىنىستارى تەڭ بولعان جاعدايدا, جۇمىس تاجىريبەسىنىڭ بولۋى ءۇشىن بەرىلەتىن ۇلكەن شارتتى جەڭىلدىگى بار الەۋەتتى ءونىم بەرۋشى جەڭىمپاز دەپ تانىلدى.;

3) ءۇشىنشى كەزەڭدە جۇمىس تاجىريبەسى تەڭ بولعان جاعدايدا كونكۋرسقا قاتىسۋعا ءوتىنىم باسقا الەۋەتتى ءونىم بەرۋشىلەردىڭ وتىنىمدەرىنەن بۇرىن تۇسكەن الەۋەتتى ءونىم بەرۋشى جەڭىمپاز دەپ تانىلدى.

ء«ونىم بەرۋشىنى تاڭداۋدىڭ ۇسىنىلاتىن ءتاسىلى ءبىر كۇندىك كومپانيالاردىڭ ساتىپ الۋلارىنا قاتىسۋعا جول بەرمەۋ. سونداي-اق كاسىپكەرلەردى سالىقتى ادال تولەۋگە ىنتالاندىرۋ. اتالعان ءتارتىپ 2019 جىلدىڭ 1 قاڭتارىنان باستاپ كۇشىنە ەنگەنىن جانە جارتىجىلدىق قۇقىق قولدانۋ پراكتيكاسىن ەسكەرە وتىرىپ, ونىڭ شاعىن جانە ورتا كاسىپكەرلىك سۋبەكتىلەرىنە ىقپال ەتۋ ماسەلەسىن قاراستىرۋعا بولادى» دەلىنگەن پرەمەر-ءمينيستردىڭ دەپۋتاتتىق ساۋالعا جاۋاپ بەرگەن حابارلاماسىندا.