بولىمشەلەردىڭ دالالىق ماشىقتىعى مەن ۇيلەسىمدىلىگىن جەتىلدىرۋ ماقساتىندا ماڭعىستاۋ وبلىسىنىڭ «ويماشا» جانە اقتوبە وبلىسىنىڭ «ەسەت باتىر» وقۋ پوليگوندارىندا جاۋىنگەرلىك ۇرىسقا بارىنشا جاقىنداتىلعان جاعدايلاردا ۆزۆودتاردىڭ جاۋىنگەرلىك وق اتۋلارى وتۋدە.
ۆزۆودتاردىڭ جاۋىنگەرلىك اتىستارىنا موتواتقىش جانە تەڭىز جاياۋ اسكەرى بولىمدەرى قاتىسۋدا, ال ولارعا قولداۋ رەتىندە تانك جانە ارتيللەريا بولىمدەرى بەرىلدى. ۆزۆودتاردىڭ جاۋىنگەرلىك وق اتۋلارىن وتكىزۋ كەزىندە نەگىزگى نازار دۇرىس تاكتيكالىق ءىس-قيمىلدارعا, ۇرىستا قارۋدى شەبەر ءارى ءتيىمدى پايدالانۋ جانە بولىمشەلەردىڭ اتىسىن باسقارۋ, سونداي-اق قاۋىپسىزدىك شارالارىن قاتاڭ ساقتاۋعا اۋدارىلادى. جاۋىنگەرلىك وق اتۋلاردى وتكىزۋ ءۇشىن اسكەري بولىمدەردىڭ ۇزدىك ادىسكەرلەرى وقۋ-جاتتىعۋ پوليگوندارىندا جەرۇستى جانە اۋە مەجەلەرى بويىنشا قارۋدىڭ بارلىق تۇرلەرىنەن وق اتۋدى جۇرگىزۋدى, تۇنگى كوزدەۋىشتەردى قولدانا وتىرىپ, تۇندە وق اتۋدى, سونداي-اق قول گراناتالارىن لاقتىرۋدى كوزدەيتىن جاعداي جاسادى.
كۇردەلى كليماتتىق جاعدايلاردا ۆزۆودتاردىڭ جاۋىنگەرلىك وق اتۋلارىن قامتاماسىز ەتۋ ءۇشىن جەرۇستى جانە اۋە نىسانالارى, جەكە قورعانىس قۇرالدارىندا جەكەلەگەن مەجەلەر بويىنشا اتىستى جۇرگىزۋ, جاياۋ اسكەردىڭ جاۋىنگەرلىك ماشينالارىنىڭ, بروندى ترانسپورتەرلاردىڭ, بتر-دا ورناتىلعان وقشاشارلاردىڭ بوينيتسالارى ارقىلى وق اتۋدىڭ جۇرگىزىلۋىن, تۇنگى كوزدەۋىشتەردى قولدانا وتىرىپ, وق اتۋدى, سونداي-اق قول گراناتالارىنىڭ لاقتىرىلۋىن كوزدەيتىن شىنايى جاۋىنگەرلىك جاعداي جاسالدى.
ساباقتار بولىمشەگە جۇكتەلگەن تاپسىرمالاردى ەسكەرە وتىرىپ, كۇندىزگى جانە تۇنگى ۋاقىتتا شابۋىلداۋدا, قورعانىس پەن ارنايى اسكەري ءىس-قيمىلداردا ۆزۆودتىڭ ءىس-ارەكەتتەرىن ۇلگىلەيتىن تاكتيكالىق دايىندىق تاقىرىپتارى بويىنشا وتكىزىلۋدە.
ۆزۆودتاردىڭ جاۋىنگەرلىك وق اتۋلارى اعىمداعى جىلعى ناۋرىز ايىنىڭ باسىندا اياقتالادى.
گۇلايىم شىنتەمىرقىزى,
«Egemen Qazagstan»
ماڭعىستاۋ وبلىسى