تۇركىستاندا «جاستار رەسۋرستىق ورتالىعى» اشىلدى

اشىلۋ راسىمىنە تۇركىستان وبلىسىنىڭ اكىمى ج.تۇيمەباەۆ پەن قوعامدىق دامۋ ۆيتسە-ءمينيسترى ج.وماربەكوۆا, سونىمەن قاتار دەپۋتاتتار, قوعام قايراتكەرلەرى قاتىستى. سونداي-اق اۋدان قالا اكىمدەرى, باسقارما باسشىلارى, رەسپۋبليكالىق قوعامدىق ۇيىمداردىڭ وكىلدەرى مەن اۋدان, قالالىق جاستار رەسۋرستىق ورتالىقتارىنىڭ باسشىلارى جانە ءوڭىردىڭ 200-دەن استام بەلسەندى جاستارى كەلدى.

ورتالىقتىڭ اشىلۋىمەن قۇتتىقتاعان وبلىس اكىمى جاستاردى ەركىن پىكىر الماسۋعا شاقىردى. «وسى كەزدەسۋدىڭ الدىندا مەن جاڭادان اشىلعان عيماراتتى ارالاپ, تانىسىپ شىقتىم. مۇندا جاستاردىڭ جان-جاقتى دامۋىنا, بويىنداعى ونەرى مەن قابىلەتتەرىن ارتتىرۋىنا تولىق جاعداي جاسالعان. مىسالى, كاسىپكەرلىكپەن اينالىسام دەۋشىلەرگە كوۆوركينگ الاڭى, ءىت-park, زاڭگەرلىك كەڭەستەر قاراستىرىلعان. سونىمەن بىرگە ەرىكتىلەر كلۋبى, «جاس سارباز», ەلەكتروندى كىتاپحانا, تىلدەر مەكتەبى, ينتەرنەت جەلىسى, ءماجىلىس زالى, سپورت الاڭشالارى جانە تاعى باسقا يگىلىكتەر بار. بۇل – سىزدەر ءۇشىن جاسالعان ۇلكەن قولداۋ. ەندى وسى جاستار ورتالىعىندا ورەندەرىمىز ءوز-وزدەرىن دامىتىپ, بىلىمدەرىن شىڭداۋلارى قاجەت», – دەدى ج.تۇيمەباەۆ.

جاستار ورتالىعى – ءبىر مەزەتتە 400-گە جۋىق جاسقا قىزمەت كورسەتە الادى. ورتالىقتا كوپتەگەن جاستار كلۋبتارى, مەكتەپتەر مەن ۇيىرمەلەر جۇمىس ىستەيدى. سونداي-اق, عيمارات ىشىندە «relax zone» دەمالىس ايماعى, سىرتقى بولىگىندە فۋتبول, ۆولەيبول, باسكەتبول, تەننيس ويناۋعا ارنالعان سپورتتىق الاڭشالار ورنالاسقان.

عالىمجان ەلشىباي,

«Egemen Qazaqstan»

تۇركىستان وبلىسى