17 اقپان قالانى قاردان تازالاۋعا 281 جۇمىسكەر شىقتى. بۇل تۋرالى استانا قالاسى اكىمدىگىنىڭ ءباسپاسوز قىزمەتى حابارلادى.
قالانى قاردان تازالاۋعا مامانداندىرىلعان تەحنيكانىڭ 620 بىرلىگى جۇمىلدىرىلدى. «قالا سىرتىنا شىعارىلعان قاردىڭ جالپى كولەمى 29 595 تەكشە مەتردى قۇرايدى. «استانا تازالىق» قالا سىرتىنا قاردىڭ 12 965, وزگە مەكەمەلەر 16 526, «استانا كوگالداندىرۋ قۇرىلىسى» 104 تەكشە مەترىن شىعاردى» دەلىنگەن «استانا تازالىق» جشس كومپانياسىنىڭ حابارلاماسىندا. 16 قازان مەن 17 اقپان ارالىعىندا شىعارىلعان قاردىڭ جالپى كولەمى 1 955 330 تەكشە مەتردى قۇرايدى.
ءبىر تاۋلىكتە قۇم-تۇز ارالاس قوسپانىڭ 70 تەكشە مەترى, ال 13 قازان مەن 14 اقپان ارالىعىندا 20 774,5 تەكشە مەتر جانە 21 قاراشادان كوكتايعاققا قارسى رەاگەنتتىڭ 467,76 تونناسى سەبىلدى.
استانا اكىمدىگى تۇرعىن ءۇي-كوممۋنالدىق شارۋاشىلىعىنا قاتىستى بارلىق سۇراقتاردى 109 ءنومىرى بويىنشا قالالىق iKomek مونيتورينگ جانە جەدەل ارەكەت ەتۋ ورتالىعىنىڭ call-ورتالىعىنا تاۋلىك بويى جولداۋعا بولاتىندىعىن ەسكە سالادى.