158 توننادان استام وسىمدىك ءونىمىن قازاقستان رەسپۋبليكاسىنان رەسەي فەدەراتسياسىنا اكەلۋگە جول بەرگەن جوق, دەپ حابارلايدى روسسەلحوزنادزوردىڭ ءباسپاسوز قىزمەتى.
«2019 جىلعى 29 قاڭتار مەن 5 اقپان ارالىعىندا رەسەي فەدەراتسياسى مەملەكەتتىك شەكاراسىنىڭ رەسەي-قازاقستان ۋچاسكەسىندەگى ورىنبور وبلىسى بويىنشا رەسەي اۋىل شارۋاشىلىق قاداعالاۋ باسقارماسىنىڭ لاۋازىمدى تۇلعالارى پەرۆوماي اۋدانىنىڭ «ماشتاكوۆو» وتكىزۋ پۋنكتىنە جىبەرۋ بويىنشا رف اۋماعىنا 158 توننادان استام جوعارى فيتوسانيتارلىق قاۋىپ - قاتەرى بار كارانتينگە جاتقىزىلعان ءونىمدى زاڭسىز اكەلۋدىڭ 8 ارەكەتىنىڭ جولىن كەستى», - دەلىنگەن حابارلامادا.
اقپاراتقا سايكەس, كىنالى تۇلعالار رف اقبتك 10.2 بابىنا سايكەس اكىمشىلىك جاۋاپكەرشىلىككە تارتىلدى.
«2019 جىلدىڭ باسىنان باستاپ ورىنبور وبلىسى بويىنشا روسسەلحوزنادزور باسقارماسىنىڭ لاۋازىمدى تۇلعالارى وسىمدىكتەر كارانتينى سالاسىنداعى زاڭنامانىڭ بۇزىلۋىنا بايلانىستى 501 توننادان استام كارانتينگە جاتقىزىلعان ءونىمى بار 29 كولىك قۇرالىن قايتاردى», - دەلىنگەن حابارلامادا.