ج.قاسىمبەك ءبىر جىلداعى جۇمىس قورىتىندىلارى تۋرالى ايتتى دەپ حابارلايدى پرەمەر-مينيستردىڭ رەسمي سايتى.
يندۋستريا جانە ينفراقۇرىلىمدىق دامۋ مينيسترلىگى مەملەكەت باسشىسىنىڭ تاپسىرمالارىن ىسكە اسىرۋ بويىنشا, سونداي-اق, يندۋستريالاندىرۋ مەن «نۇرلى جەر», «نۇرلى جول» باعدارلامالارى اياسىندا جۇيەلى جۇمىستار جۇرگىزىپ جاتىر.
ج.قاسىمبەك نەگىزگى مەتالدارعا قاتىستى الەمدىك باعانىڭ تومەندەۋىنە, نەگىزگى ساۋدا ارىپتەستەرىنە قاتىستى سانكتسيالارعا جانە باسقا دا سىرتقى فاكتورلارعا قاراماستان, 2018 جىلدىڭ قورىتىندىسى بويىنشا ونەركاسىپ 4,1 %-عا وسكەنىن ايتتى. بۇل تاۋ-كەن سەكتورىنىڭ 4,6 %-عا جانە وڭدەۋشى ونەركاسىپتىڭ 4 %-عا وزىق قارقىنمەن ءوسۋى ەسەبىنەن ورىندالدى. نەگىزگى درايۆەرلەر — ماشينا جاساۋ, حيميا ونەركاسىبى, مۇناي وڭدەۋ, جەڭىل ونەركاسىپ جانە مۇناي مەن گاز ءوندىرۋ سالالارى.
«2018 جىلدىڭ قورىتىندىسى بويىنشا وڭدەۋشى ونەركاسىپتە جۇمىس ىستەپ تۇرعان كاسىپورىنداردىڭ سانى 14,7 مىڭعا جەتتى. جالپى العاندا ونەركاسىپ بويىنشا ەڭبەك ونىمدىلىگى 3,5 %-عا, نەگىزگى كاپيتالداعى ينۆەستيتسيالار – 27 %-عا ءوستى», — دەدى مينيستر.
يندۋستريالاندىرۋ باعدارلاماسىن ىسكە اسىرۋ كەزەڭىندە جالپى قۇنى 7,9 ترلن تەڭگە بولاتىن 1250-دەن استام جوبا ىسكە قوسىلىپ, 120 مىڭ تۇراقتى جۇمىس ورنى قۇرىلدى. ال, 2018 جىلى قۇنى 1,3 ترلن تەڭگە بولاتىن 100 جاڭا جوبا ىسكە قوسىلىپ, 13 مىڭنان استام تۇراقتى جۇمىس ورنى قۇرىلدى.
2019 جىلى جالپى سوماسى 1,1 ترلن تەڭگە بولاتىن 120-عا جۋىق كاسىپورىندى ىسكە قوسۋ جوسپارلانىپ وتىر. بۇل جوبالار بويىنشا 20 مىڭ تۇراقتى جۇمىس ورنى قۇرىلادى.
شيكىزاتتىق ەمەس ەكسپورتتى ىلگەرىلەتۋ بويىنشا قابىلدانعان شارالاردىڭ ارقاسىندا 2018 جىلدىڭ 11 ايىنىڭ قورىتىندىسى بويىنشا ەكسپورت كولەمى 24 %-عا ءوسىپ, $54,7 ملرد قۇرادى, ونىڭ ىشىندە وڭدەلگەن ونىمدەر ەكسپورتى $14,3 ملرد جەتتى. 2018 جىلى قازاقستاندىق ءونىم 119 ەلگە ەكسپورتتالدى.
الداعى ءۇش جىلدا (2019–2021 جج.) سالاعا قوسىمشا 500 ملرد تەڭگە ءبولىنىپ, بۇل شيكىزاتتىق ەمەس ەكسپورتتى دامىتۋعا جاڭا سەرپىن بەرەدى. بۇل 2021 جىلعا قاراي وڭدەۋشى ونەركاسىپ ونىمدەرىنىڭ ەكسپورتىن 720 ملرد تەڭگەگە دەيىن, ەكسپورتتاۋشىلار سانىن 411-دەن 600 سۋبەكتىگە دەيىن ارتتىرۋعا مۇمكىندىك بەرەدى.
«تسيفرلىق قازاقستان» مەملەكەتتىك باعدارلاماسى اياسىندا 2022 جىلعا قاراي وڭدەۋ ونەركاسىبى مەن تاۋ-كەن مەتاللۋرگيا كەشەنىنىڭ (تكمك) 100-دەن استام كاسىپورنىندا يننوۆاتسيالىق جانە تسيفرلىق تەحنولوگيالاردى ەنگىزۋ كوزدەلگەن.
«بيىل تكمك, حيميا, قۇرىلىس جانە ازىق-ت ۇلىك سالاسىنىڭ 32 كاسىپورنىندا يننوۆاتسيالىق جانە تسيفرلىق تەحنولوگيالاردى ەنگىزۋگە قاتىستى 38 جوبا ىسكە اسىرىلادى», — دەدى ج. قاسىمبەك.
وتكەن جىلى يندۋستريالىق دامۋدىڭ ءۇشىنشى باعدارلاماسىن ازىرلەۋ جۇمىستارى باستالدى. ءمينيستردىڭ ايتۋىنشا, جاڭا يندۋستريالىق ساياسات 2025 جىلعا قاراي وڭدەۋ ونەركاسىبىندە (2016 جىلعى دەڭگەيمەن سالىستىرعاندا): ەڭبەك ونىمدىلىگىنىڭ ناقتى ءوسىمى — 1,7 ەسە, شيكىزاتتىق ەمەس ەكسپورتتىڭ قۇندىق كولەمىنىڭ ءوسىمى — 2,3 ەسە, وڭدەۋ ونەركاسىبىنىڭ نەگىزگى كاپيتالىنا سالىنعان ينۆەستيتسيالاردىڭ ناقتى ءوسىمى — 2 ەسە.