جۇما, 19 قازان 2012 7:21
وڭتۇستىك قازاقستان وبلىسىنداعى تۇلكىباس اۋداندىق پەرزەنتحانا ءبولىمى ىلكىمدى ىستەر اتقارۋدا
«قازاقستان-2030» ستراتەگيالىق باعدارلاماسىنا وتباسىن جوسپارلاۋ ماسەلەسىنىڭ ەنگىزىلۋى جايدان-جاي ەمەس ەكەندىگى انىق. ەندەشە, وتباسى ماسەلەسى, ونى جوسپارلاۋ دەگەنىمىز – ايەلدەردىڭ وسىمتالدىق, ياعني ءوسىپ-ءونۋ ءۇردىسىن قاداعالاۋ ارقىلى دەنساۋلىعىن ساقتاۋ جانە جاقسارتۋ بولىپ تابىلادى.
جۇما, 19 قازان 2012 7:21
وڭتۇستىك قازاقستان وبلىسىنداعى تۇلكىباس اۋداندىق پەرزەنتحانا ءبولىمى ىلكىمدى ىستەر اتقارۋدا
«قازاقستان-2030» ستراتەگيالىق باعدارلاماسىنا وتباسىن جوسپارلاۋ ماسەلەسىنىڭ ەنگىزىلۋى جايدان-جاي ەمەس ەكەندىگى انىق. ەندەشە, وتباسى ماسەلەسى, ونى جوسپارلاۋ دەگەنىمىز – ايەلدەردىڭ وسىمتالدىق, ياعني ءوسىپ-ءونۋ ءۇردىسىن قاداعالاۋ ارقىلى دەنساۋلىعىن ساقتاۋ جانە جاقسارتۋ بولىپ تابىلادى.
قازىرگى كەزدەگى مەديتسينا سالاسىنىڭ ماڭىزدى جانە باسىمدى مىندەتتەرىنىڭ قاتارىنا انا دەنساۋلىعىن قورعاۋ, سونىڭ ناتيجەسىندە ومىرگە دەنى ساۋ ۇرپاقتىڭ كەلۋى, حالىق سانىنىڭ كوبەيۋى ءتارىزدى ماسەلەلەر جاتادى. وسىعان وراي ءبىزدىڭ اۋداندىق پەرزەنتحانامىز دا ايتارلىقتاي جەتىستىكتەرگە قول جەتكىزىپ ءجۇر. بۇل كۇندەرى پەرزەنتحانانىڭ بارلىق بولمەلەرىنە بەدەلەر ورناتىلىپ, ايەلدەرگە گيگيەنالىق جاعدايلار جاسالىنعان. سونىمەن قاتار, تۋىلعان نارەستەلەرگە قوسىمشا ارنايى كەرەۋەتتەر بولىنگەن. بوسانۋ زالدارىندا تابيعي جولمەن بوسانۋعا جاعداي جاسالىنىپ, اتاپ ايتقاندا, شۆەد قابىرعالارى قوندىرىلىپ, تولعاقتى جەڭىلدەتۋگە ارنالعان ارقاندار ءىلىنگەن. تۇيىندەپ ايتقاندا, جۇكتى ايەلدەر ءۇي جاعدايىنداعىداي ءارتۇرلى قيمىلدا بولادى (وتىرىپ, جاتىپ, ارقان كومەگىمەن تاعانداپ تۇرىپ جانە ت.ب), ءسويتىپ ونشا قينالماي بوسانۋعا مۇمكىندىك الادى.
بوسانعاننان كەيىن انانىڭ بالاعا دەگەن مەيىرىمىنە ىقپال ەتۋ ماقساتىندا نارەستەنى كوكىرەگىنە جاتقىزادى.
پەرزەنتحانادا اتقارىلىپ جاتقان ءىس-شارالاردىڭ قاتارىنا بوسانۋ سەرىكتەستىگى ءمودۋلى ەنگىزىلگەن, ياعني بوساناتىن ايەلگە ۇيىندەگى جاقىندارىنىڭ بىرەۋى كەلىپ دەمەۋ بولادى. وسى ارادا اتاپ ايتارلىعى – مۇندا ءاربىر بوساناتىن ايەلگە جەكە بولمە بولىنگەن.
بۇعان اۋدان كولەمىندە بىرنەشە جىلدان بەرى جۇمىس اتقارىپ كەلە جاتقان تۇلكىباس اۋداندىق سالاماتتى ءومىر سالتىن قالىپتاستىرۋ ورتالىعىنىڭ قوسقان ۇلەسى سۇبەلى. ورتالىقتان اي سايىن انا مەن بالا دەنساۋلىعىنا بايلانىستى «قاۋىپتى انالىق», «قۋان, ءسابي», «وتباسىنداعى سابيگە كۇتىم جاساۋ», «ءبىر جاسقا دەيىنگى بالالاردى تاماقتاندىرۋ ءجونىندەگى كەڭەستەر», «قاۋىپسىز تاماقتانۋدىڭ بەس ماڭىزدى قاعيداسى», «جۇكتى جانە ەمىزەتىن ايەلدەردىڭ سالاماتتى تاماقتانۋ نەگىزدەرى», «انا مەن ءسابي تاعامى» ءتارىزدى اقپاراتتىق-تانىمدىق قۇرالدار الىنادى. سونىمەن بىرگە, سەمينارلار, اۋقىمدى اكتسيالار, ترەنينگتەر, دوڭگەلەك ۇستەلدەر وتكىزۋ داستۇرگە اينالعان. پەرزەنتحانادا ءار ايەلدىڭ قۇرساق كوتەرۋىنەن باستاپ تۋعان كۇنىنە دەيىن ەسەپكە الىنادى جانە دەنساۋلىق مەكتەبىندە وقىتىلادى. «انا مەن بالا» دەنساۋلىعى مەكتەبىندە بارلىق جاعداي جاسالعان. تاقىرىپقا ساي باننەرلەرمەن, سانيتارلىق بۇرىشتارمەن جانە ستەندتەرمەن جابدىقتالعان. ورتالىق بەرگەن اۋديو-بەينە روليكتەردى كورسەتۋ ءۇشىن دە قولايلى ورىن بار. اي سايىن انا مەن بالانىڭ دەنساۋلىعىن قورعاۋ جانە جاقسارتۋ ماقساتىندا پەرزەنتحانا پسيحولوگى سالاماتتى ءومىر سالتىن قالىپتاستىرۋعا سەمينارلار جۇرگىزىپ, پايدالى كەڭەستەر بەرەدى. قورىتا ايتقاندا, حالىقتىڭ, ونىڭ ىشىندە انا مەن بالانىڭ دەنساۋلىعىن جاقسارتۋ ءۇشىن سالاماتتى ءومىر سالتىن ناسيحاتتاۋ وتە ماڭىزدى بولىپ تابىلادى.
دەگەنمەن, ەلىمىزدىڭ ءاربىر ازاماتى تەك مەديتسينالىق اقپاراتپەن جانە مەديتسينالىق كومەكپەن شەكتەلىپ قانا قالماي, ءوز دەنساۋلىعىنا جاۋاپكەرشىلىكپەن قاراۋ كەرەك ەكەنىن ۇمىتپاعانى ابزال.
سالاماتتى ءومىر سالتىن ۇستانىڭىزدار!
وڭتۇستىك قازاقستان وبلىسىنداعى
تۇلكىباس اۋداندىق سالاماتتى ءومىر
سالتىن قالىپتاستىرۋ ورتالىعى.