4 اقپانداعى جاعدايعا سايكەس ەلورداداعى قاتتى وتىننىڭ جالپى قورى 12 922,38 توننانى قۇرايدى. بۇل تۋرالى استانا قالاسى اكىمدىگىنىڭ رەسمي سايتى حابارلادى.
دۇيسەنبىدە ەلورداعا «شۇباركول» ماركالى كومىردىڭ 414 تونناسى جەتكىزىلدى. ال كومىر باعاسى تومەندەگىدەي:
«شۇباركول» تونناسى – 11300 تەڭگە,
«قاراجىرا» تونناسى – 13 200 تەڭگە,
«مايكوبە» تونناسى – 12 000 تەڭگە,
«بوگاتىر كومىرى» تونناسى – 9000 تەڭگە,
«كۋزنەتسكي» تونناسى – 12 250 تەڭگە.
استانا قالاسىنىڭ وتىن-ەنەرگەتيكالىق كەشەنى جانە كوممۋنالدىق شارۋاشىلىق باسقارماسى باعا ءوسىمىنىڭ الدىن الۋ ءۇشىن كومىر ساتۋشىلارمەن مەموراندۋمدارعا قول قويدى. 2018 جىلدىڭ 1 تامىزىنان 3 قاڭتارعا دەيىن 339,5 مىڭ توننا ساتىلدى. بۇگىنگى كۇنى, كومىر نارىعىندا جاعداي قالىپتى, پروبلەمالىق ماسەلەلەر جوق.
استانا قالاسى اكىمدىگىنىڭ كومىر نارىعىنداعى جاعدايدى كۇن سايىن مونيتورينگتەن وتكىزىپ, ءوز باقىلاۋىنا العان. «I-Kومەك 109» نەگىزىندە تۇرعىندارعا ارنالعان جەدەل جەلى قۇرىلدى.