كوكسۋ اۋدانىنىڭ لاباسى اۋىلدىق وكرۋگىندەگى زاۋىتتىڭ ىرگەسى 1967 جىلى قالانعان ەكەن. اۋىلداعى دايىن ءونىم شىعاراتىن وسى شاعىن ءوندىرىس سوڭعى 20 جىل بويىنا قاڭتارىلىپ تۇرعان بولاتىن.
قازىر شاعىن زاۋىت جەكە ينۆەستور مەن مەملەكەتتىڭ تىزە قوسۋىنان كەيىن قايتا جاڭعىرتىلىپ, ىسكە قوسىلدى. كاسىپكەرلىكتى دامىتۋ قورى ارقىلى 100 ميلليون تەڭگە كولەمىندە بەرىلگەن قارجىعا رەسەيدەن زاماناۋي قوندىرعىلار ساتىپ الىندى. ەندىگى العاشقى ءونىمىن دە شىعارىپ ۇلگەردى. كاسىپورىندا جاسالعان تۇرىك ايرانى, قۇرعاق ءسۇت جانە ىستالعان شۇجىق نارىققا جونەلتىلىپ جاتىر.
- زاۋىت تولىق قالپىنا كەلگەننەن كەيىن ءسۇت ونىمدەرىنىڭ بارلىق ءتۇرىن شىعاراتىن بولامىز. شيكىزاتتى جاقىن ماڭداعى اۋىلدار مەن كورشى اۋداندارىن ساتىپ الماقشىمىز. ءوندىرىس تاۋلىگىنە 40 توننا ءسۇت تۇتىناتىن بولادى. 20 ادامعا جۇمىس بەرەمىز,- دەيدى ءسۇت زاۋىت باسشىسى باقىت ارقاباەۆ.
قالماحانبەت مۇقامەتقالي,
«Egemen Qazaqstan»