شىعىس قازاقستاندا ءۇش كۇننىڭ ءجۇزى بولدى قاتتى ايازدىڭ بەتى قايتار ەمەس. بۇگىن دە وبلىستىڭ بىرقاتار اۋداندارىنىڭ مەكتەپتەرى مەن كوللەدجدەرىندە ساباق توقتادى.
اياگوز اۋدانىندا (-26°س) ءبىرىنشى اۋىسىمنىڭ 1-4 سىنىپتارى, شەمونايحا (-33°س), التاي (-39°س) جانە كاتونقاراعاي (-38°س) اۋداندارىنىڭ ءبىرىنشى جانە ەكىنشى اۋىسىمنىڭ 1-11 سىنىپتارىن, كوللەدجدەردىڭ 1-2 كۋرستارى, كوكپەكتى اۋدانىندا (-35°س) ءبىرىنشى اۋىسىمنىڭ 1-11 سىنىپتارى, كوللەدجدەردىڭ 1-2 كۋرستارى, تارباعاتاي اۋدانىندا (-31°س) ءبىرىنشى اۋىسىمنىڭ 1-9 سىنىپتارى, بەسقاراعاي (-20°س), ءۇرجار (-20°س), زايسان اۋداندارى (-29°س) مەن كۋرچاتوۆ (-26°س) قالاسىنىڭ ءبىرىنشى اۋىسىمنىڭ 1-4 سىنىپتارى ساباقتان قالسا, وسكەمەندە جەلدىڭ كۇشى سەكۋندىنا 20 مەتر جىلدامدىققا جەتكەننەن كەيىن ءبىرىنشى اۋىسىمنىڭ 1-4 سىنىپتارى ساباقتان بوساتىلدى.
ازامات قاسىم,
«Egemen Qazaqstan»
شىعىس قازاقستان وبلىسى