ءبورلىنىڭ ۆولونتەرلەرىنە ءبارى ريزا

باستامانىڭ باسىندا اقساي قالاسىنىڭ №1, 2, 4, 6, 7 مەك­تەپت­ەرىنىڭ وقۋشىلارى جانە اقساي تەحنيكالىق كوللەدجى­نىڭ ستۋدەنتتەرى تۇرعان ەكەن. ۇيىم­نىڭ اتاۋىن «GOLD» دەپ قويعان دا سولار. ۆولونتەر­لىك كورپۋس ءوز ىشىنەن 4 بولىمگە بولىن­گەن. جالعىزىلىكتى قارت­تارعا كومەكتەسۋ – جاستار جوس­پار­لاعان جۇمىستاردىڭ ءبىر باعىتى عانا.

– جىل بويى ءبىزدىڭ ۆولونتەرلەر ءار ءتۇرلى باعىتتاعى شارا­­لارعا بەلسەنە قاتىستى, – دەيدى ءبورلى اۋداندىق جاس­تار رەسۋرستىق ورتالىعى اق­پا­رات­تىق-تالداۋ ءبولىمىنىڭ قىز­مەتكەرى ايكوركەم قۋاتوۆا.

جالعىزباستى قارت ادام­دارعا كومەك, اسىرەسە, قىس كەزىن­دە كەرەك. «GOLD» ۆولونتەرلىك كورپۋسى قۇرىلا سالىسىمەن ىسكە كىرىسىپ كەتتى. ونىڭ ۇستىنە ءدال وسى كەزدەرى قازاقستان بو­يىنشا «100 ناقتى كومەك», وب­لىستا «جاردەم» اكتسياسى ءوت­تى. ءبورلىنىڭ «التىن» بالا­لارى 2018 جىلدىڭ اقپان, ناۋ­رىز ايلارىندا وسى اكتسيا­لار اياسىندا 16 مارتە شارا ۇيىم­داسىپ, ۇلكەندەردىڭ العىسىن الدى. ءوز باستامالارىمەن قازان مەن قاراشا ايلارىندا «ۇل­كەن­گە قۇرمەت» اكتسياسىن وتكىزىپ, تاعى 7 وتباسىنا كومەك كورسەتتى.

ء«بىزدىڭ جاستار رەسۋرس­تىق ورتالىعىنىڭ ادىسكەرلەرى ءار اۋىلدا بار», دەيدى ايكور­كەم. وسى ادىسكەرلەردىڭ ۇيىم­داستىرۋىمەن شاعىن اۋىل جاس­تارى دا ساۋاپتى ىسكە جۇمىلا كەتكەن. ءسويتىپ, ءبورلى اۋدانىنا قاراستى اقسۋ, وسپەن, قاراقۇدىق, بۋماكول اۋىلدارىندا دا قامكوڭىل جانداردى قۋانتقان قامقورلىق اكتسياسى ءوتتى. ال قازىر اۋدانداعى بارلىق 13 اۋىلدىق وكرۋگتە جەلىلىك جوسپار قۇرىلىپ, قارتتارعا كومەكتەسۋ اۋىل بەل­سەندىلەرىنىڭ ادەتتەگى شارۋاسىنا اينالدى. 

ايكوركەمنىڭ قويىن داپ­تەرىندە اقساي قالاسى بويىنشا جەكە ۇيدە تۇراتىن مۇگەدەك جانە جالعىزباستى 20 ادام­نىڭ ءتىزىمى جازۋلى تۇر. اۋدان بويىن­شا 12 سوعىس ارداگەرى دە ەرەك­شە نازارعا الىنعان. كىمگە قان­داي كومەك كەرەك, كىمنىڭ قانداي مۇقتاجى بار – جاستار ءجىتى قاداعالاپ وتىرادى. 

– ەلباسىنىڭ جاستار جىلىنىڭ سالتاناتتى اشىلۋىندا سويلەگەن ءسوزىن ءبارىمىز تىڭدادىق. سونىڭ ىشىندە ۆولونتەرلىك قوزعالىس تۋرالى ايتقاندا, ەرەكشە سەزىمدە بولدىم. «ستۋدەنتتەر قاۋىمى  – ەرىكتىلىك پەن قايىرىم­دى­لىق­تىڭ قۋاتتى رەسۋرسى. بۇل جاس ادامداردىڭ ەڭبەك نارىعى­ن­ا جەدەل بەيىمدەلۋىنە جانە ولاردىڭ ءارى قاراي ءوز جولىن تابۋىنا سەپتىگىن تيگىزەدى. مى­سالى, حالىقارالىق باعالاۋ بو­يىنشا الەمنىڭ ەڭ ءىرى 300 كومپانياسى قىزمەتكەرلەرىنىڭ ۇشتەن ءبىرى اپتا سايىن جۇمىس ۋاقىتىنىڭ 1 ساعاتىنا جۋى­عىن ۆولونتەرلىك قىزمەتكە جۇم­سايدى. ۇكىمەتكە ۆولون­تەر­لىك قىزمەتپەن بەلسەندى اينالىساتىن جوو ستۋدەنت­تەرىنىڭ ستيپەندياسىن 30%-كە دەيىن كوتەرۋدى تاپسىرامىن» دەگەندە, ءبىزدىڭ بىلتىردان بەرى اينالىسىپ جۇرگەن جۇمىسىمىزدىڭ ەلەنگەنىنە, مەملەكەتتىك دارەجەدە قولداۋ تاپقانىنا ەرەكشە قۋاندىق, − دەيدى ايكوركەم.

ارينە, بورلىلىك ەرىكتى جاستاردى اۋدان اكىمدىگى دە بارىنشا قولداپ كەلەدى. 2018 جىلدى قورتىندىلاعان «جومارت جۇرەك» بايقاۋىندا «GOLD» ۆولونتەرلىك كورپۋسىنىڭ ەرىك­تىسى اينەللا ارمانوۆا «ۇز­دىك ۆولونتەر» اتانسا, وسى توپتىڭ تاعى ءبىر مۇشەسى اقنۇر قاليلا «جىل ۇزدىگى-2018» جاس­تار سىي­لىعىنا يە بولدى.

قازىرگى تاڭدا اقساي قالا­سىندا 32 ۆولونتەر جاستار رە­سۋرستىق ورتالىعىنىڭ جاس ماماندارىمەن بىرلەسە ءتۇرلى شارانى ۇيىمداستىرىپ ءجۇر.

بيىل باتىس قازاقستاندا قار قالىڭ, بوران كوپ. جاقىن­دا عانا اقسايلىق ەرىكتىلەر كۇرەك-قۇرالدارىن الىپ, سوۆەت كوشە­سىندەگى №36 جانە №118 ۇيلەردىڭ اۋلاسىن قاردان تازارتىپ بەردى. 

قازبەك قۇتتىمۇرات ۇلى,

«Egemen Qazaqstan»

باتىس قازاقستان وبلىسى