قىزىلوردادا قار استىندا قالعاندار قۇتقارىلدى

28 قاڭتاردا «قىزىلوردا-پاۆلودار-ۋسپەنكو» رەسپۋبليكالىق ماڭىزى بار تاس جولىنىڭ 12 شاقىرىمىندا وبلىستىق پوليتسيا دەپارتامەنتى جپقب پاترۋلدىك-پوليتسيا روتاسىنىڭ قىزمەتكەرلەرى پوليتسيا اعا لەيتەنانتى قايرات احمەتوۆ, پوليتسيا لەيتەنانتى نۇربەك التىباەۆ جانە ۆزۆود كومانديرى پوليتسيا كاپيتانى ماقسات نارمانوۆ قىزمەت وتكەرۋ بارىسىندا ساعات 20-40 شاماسىندا قىزىلوردا قالاسىنان كەلە جاتقان «تويوتا-كامري» اۆتوكولىگى توقتاپ, جۇرگىزۋشىسى «استانا-قىزىلوردا» باعىتىنداعى رەيستىك اۆتوبۋس كەشىگىپ جاتقاندىعىن اتاپ كورسەتكەن.

پوليتسيا قىزمەتكەرلەرى دەرەۋ سۇراستىرۋ جۇمىستارىن جۇرگىزىپ رەسپۋبليكالىق تاس جولىندا 25 شاقىرىمىنان باستاپ ۇيالى تەلەفون بايلانىسى جوقتىعىن ەسكەرىپ, كەزەكشى بولىمىنە حابارلاسىپ جولعا شىققان.

ارالاۋ بارىسىندا, اتالعان تاس جولدىڭ 198 شاقىرىمىندا جولدا بوران بولىپ, جولدىڭ قار قۇرساۋىمەن جابىلعانىن بايقاعان سوڭ, سول جەردە توتەنشە جاعدايلار دەپارتامەنتىنىڭ «كاماز» اۆتوكولىگىمەن بىرلەسكەن تۇردە تاس جولدى ارالاۋ جۇمىستارىن جۇرگىزگەن.

ناتيجەسىندە, تاس جولدىڭ 205 شاقىرىمىنان باستاپ, قاراعاندى وبلىسىنىڭ اۋماعىنداعى 225 شاقىرىمى ارالىعىندا تۇرىپ قالعان «استانا-قىزىلوردا» باعىتىنداعى رەيستىك اۆتوبۋسى 18 جولاۋشىسىمەن, ودان بولەك 5 كىشى سىيىمدىلىقتى اۆتوبۋستار, 11 جۇك اۆتوكولىكتەرى, 15 جەڭىل اۆتوكولىكتەرىنىڭ جولاۋشىلارى مەن جۇرگىزۋشىلەرىنە كومەك كورسەتىلىپ, «كازاۆتوجول», توتەنشە جاعدايلار دەپارتامەنتى قىزمەتكەرلەرىمەن بىرلەسىپ قىزىلوردا قالاسىنا جەتكىزىلدى.