رەسمي ساپار شەڭبەرىندە قازاقستان رەسپۋبليكاسىنىڭ سىرتقى ىستەر ءمينيسترى بەيبىت اتامقۇلوۆ ماسكەۋدە رەسەي فەدەراتسياسىنىڭ سىرتقى ىستەر ءمينيسترى سەرگەي لاۆروۆپەن كەزدەستى.
قازاقستان سىرتقى ساياسي ۆەدومستۆو جاڭا باسشىسىنىڭ العاشقى ەكىجاقتى ساپارى رف سىرتقى ىستەر ءمينيسترىنىڭ شاقىرۋىمەن ءوتتى.
كەزدەسۋ بارىسىندا سىرتقى ساياسي ۆەدومستۆولار باسشىلارى ساياسي جانە ەكونوميكالىق سالالارداعى ەكىجاقتى ىنتىماقتاستىقتىڭ قازىرگى جاعدايى مەن كەلەشەگىن تالقىلادى, سونداي-اق وڭىرلىك جانە حالىقارالىق كۇن ءتارتىبىنىڭ ءتۇرلى اسپەكتىلەرى بويىنشا پىكىر الماستى.
سۇحباتتاستار قازاقستان-رەسەي قارىم-قاتىناستارىنىڭ ءداستۇرلى جوعارى دەڭگەيىن بەلگىلەدى. ب. اتامقۇلوۆ پرەزيدەنت نۇرسۇلتان نازارباەۆ قازاقستان حالقىنا جولداۋىندا ەكى ەلدىڭ قارىم-قاتىناسىن سيپاتتاي وتىرىپ, ولاردى مەملەكەتارالىق قارىم-قاتىناستاردىڭ ۇلگىسى ەكەندىگىن اتاپ ءوتتى.
سىرتقى ساياساتتىڭ ەكونوميكالىق قۇرامداس بولىگىن نىعايتۋ جونىندەگى قر سىرتقى ىستەر مينيسترلىگىنە جۇكتەلگەن مىندەتتەردى ەسكەرە وتىرىپ, ساۋدا-ينۆەستيتسيالىق ىنتىماقتاستىق ماسەلەلەرىنە, كولىك-ترانزيت, وتىن-ەنەرگەتيكا جانە اسكەري-تەحنيكالىق سالاداعى جاعداي مەن بولاشاققا, سونداي-اق بايقوڭىر كەشەنى بويىنشا ىنتىماقتاستىققا ەرەكشە نازار اۋدارىلدى.