جىل باسىنان بەرى قىزىلوردا وبلىسىندا قىزىلشا اۋرۋىنىڭ ەكى جاعدايى تىركەلگەندىگىن وڭىرلىك كوممۋنيكاتسيالار قىزمەتىندە وتكەن ءباسپاسوز كونفەرەنتسياسىندا وبلىستىق قوعامدىق دەنساۋلىق ساقتاۋ دەپارتامەنتى باسشىسىنىڭ ورىنباسارى ءاليا ابدىقايىموۆا ايتتى.
- ناۋقاستانعانداردىڭ ءبىرى 1 جاسقا تولماعان ءسابي. ەكىنشىسى 33 جاستاعى ەرەسەك ادام. جۇرگىزىلگەن ەپيدزەرتتەۋ ناتيجەسىندە ەكى جاعدايدا اۋرۋدى جۇقتىرۋ كەزەڭىندە استانا قالاسىندا قىزىلشامەن اۋىرعاندارمەن قارىم-قاتىناستا بولعاندىعى انىقتالدى, - دەدى ءاليا ابدىقايىموۆا.
ناۋقاستانعان ءسابي قىزىلشاعا قارسى ەگىلمەگەن ەكەن. سەبەبى, ەگۋ جۇمىستارى ءبىر جاستان باستاپ جۇرگىزىلەدى. ال, ەرەسەك ازاماتتىڭ ەگۋ ستاتۋسى بەلگىسىز.
اتالعان ەكى جاعدايعا بايلانىستى اۋرۋ وشاعىندا ىندەتكە قارسى جانە پروفيلاكتيكالىق ءىس شارالار وتكىزىلدى.
بىلتىر قىزىلشا اۋرۋىمەن اۋىرعان ناۋقاستار سانى تىركەلگەن جوق.
باقتيار تايجان,
«Egemen Qazaqstan»
قىزىلوردا وبلىسى